مسلم لیگ (ن) کی تاریخ 10 اور 28 مئی جیسے جرات مندانہ فیصلوں کے گرد گھومتی ہے: رانا سکندر حیات

یوم تشکر کی تقریبات

لاہور (ڈیلی پاکستان آن لائن) وزیر تعلیم رانا سکندر حیات کی ہدایت پر پنجاب کے تمام پبلک سکولوں، کالجوں، یونیورسٹیوں میں یوم تشکر کی مناسبت سے خصوصی تقاریب منعقد ہوئیں جن میں طلباء نے بھرپور جوش و خروش کا مظاہرہ کیا اور پاک افواج کو زبردست خراج تحسین پیش کرتے ہوئے ان کے شانہ بشانہ ملکی سالمیت کے لیے کردار ادا کرنے کے عزم کا اظہار کیا۔

یہ بھی پڑھیں: کیا واقعی پنجاب میں گرمیوں کی تعطیلات 22 مئی سے شروع ہوں گی؟ وہ سب کچھ جو آپ کو جان لینا چاہیے

وزیر تعلیم کا پیغام

اس موقع پر مختلف تقاریب سے خطاب کرنے کے علاوہ اپنے ایک ویڈیو پیغام میں وزیر تعلیم نے کہا کہ معرکۂ حق کی تکمیل پر یوم تشکر ہماری افواج کی بہادری اور صلاحیتوں کے اعتراف کا دن ہے جن کی منصوبہ بندی کی بدولت حالیہ پاک بھارت جنگ مختصر دورانیے کی تاریخ ساز جنگ قرار پائی۔ یہ جنگ بھارت کا برسوں کا غرور توڑ کر اسے اس کی اوقات میں واپس لائی۔ ہندو بنئے کی مکاری اور جھوٹا پروپیگینڈا بھی اس کے کام نہ آ سکا۔

یہ بھی پڑھیں: وزیرداخلہ محسن نقوی کی اسحاق ڈار، ایاز صادق اور اعظم نذیر تارڑ سے اہم ملاقات، 27 ویں ترمیم کی منظوری حتمی مرحلے میں داخل

جی سی یونیورسٹی کی تقریب

جی سی یونیورسٹی میں ’’یوم تشکر‘‘ کی مناسبت سے منعقدہ تقریب سے خطاب کرتے ہوئے رانا سکندر حیات نے مزید کہا کہ مسلم لیگ (ن) کی تاریخ 10 مئی اور 28 مئی جیسے جرأت مندانہ فیصلوں کے گرد گھومتی ہے۔ نواز شریف اور شہباز شریف کی قیادت میں مسلم لیگ(ن) نے تمام طاقتوں سے بے پرواہ ہوکر 10 مئی اور 28 مئی کو تاریخ رقم کی۔ اب کی مرتبہ بھی افواج پاکستان نے بھارتی جارحیت کا منہ توڑ جواب دیتے ہوئے جو سبق پڑھایا اس کی گونج پوری دنیا میں سنی گئی۔

یہ بھی پڑھیں: کلبھوشن یادیو جیسا ایک اور بھارتی اہلکار گرفتار، یہ کہاں سے پکڑا گیا اور اس کا نام کیا ہے؟ بڑا انکشاف

تاریخی جنگ کا اثر

وزیر تعلیم نے کہا کہ حالیہ جنگ، دشمن کی چال اور پاکستان کے جواب سے لے کر تاریخ کا ایک نیا باب رقم کرنے تک مشتمل تھی۔ ہماری رقم کردہ تاریخ نصاب میں شامل ہو کر ہمیشہ کے لیے زندہ ہو گئی۔ مکار دشمن کے جدید ہتھیاروں نے اسے دھوکہ دیا اور دنیا بھر میں پاکستان نے بھارت کو تماشہ بنا دیا۔ تاریخ ہتھیاروں کی تعداد نہیں بلکہ حوصلوں کی بلندی سے بنتی ہے۔ میدان عمل میں صرف ہتھیار نہیں، جذبہ اور عزم بھی لازم ہوتا ہے مگر ہمارا دشمن بھارت حوصلے، جذبے اور عزم جیسی نعمتوں سے محروم ہے۔