بیمار خاتون سے جعلی پیر کی نازیبا حرکات، گرفتار کرلیا گیا

راولپنڈی میں جعلی پیر کے خلاف کارروائی

راولپنڈی (ویب ڈیسک) تھانہ وارث خان کے علاقے میں دم کرکے بیماریاں دور کرنے اور جنات نکالنے کے نام پر خاتون سے نازیبا حرکات کرنے والے جعلی پیر کے خلاف مقدمہ درج کرلیا گیا اور پولیس نے ملزم کو گرفتار کرلیا۔

یہ بھی پڑھیں: اوکاڑہ: خاتون سے مبینہ زیادتی کا ملزم بس ڈرائیور گرفتار

خاتون کی مدعیت میں مقدمہ

راولپنڈی کے تھانہ وارث خان میں خاتون کی مدعیت میں علاج کے نام پر خاتون سے نازیبا حرکات کرکے سنگین نتائج کی دھمکیاں دینے پر پیر کے خلاف مقدمہ درج کرلیا گیا۔

یہ بھی پڑھیں: اگر جنگ بندی نہ ہوئی تو اسرائیل کو نتائج بھگتنا ہوں گے، برطانیہ کی سخت وارننگ

پیر خرم کی لایعنی دعوے

درخواست گزار خاتون نے مقدمے میں بتایا کہ وہ مرگی کی مریضہ ہیں اور کافی علاج کرانے کے باوجود ٹھیک نہیں ہوپائیں۔ انہوں نے سوشل میڈیا پلیٹ فارم ٹک ٹاک پر پیر خرم کی ویڈیو دیکھی جس میں وہ دم درود سے علاج کرنے کا دعویٰ کرتا ہے۔

یہ بھی پڑھیں: کتاب سے دوبارہ رشتہ جوڑنے سے ہی قوم کا حال اور مستقبل بہتر ہوگا: چیئرمین پیمرا سلیم بیگ

مقابلہ اور دھوکہ

متاثرہ خاتون نے بتایا کہ انہوں نے اپنے ماموں کو اپنی بیماری کے بارے میں بتایا جو کہ میرے علاج کے لیے پیر خرم سے وقت لینے کے بعد مجھے کمیٹی چوک میں لے گئے۔

یہ بھی پڑھیں: جو ترمیم پی ٹی آئی اسحاق ڈار کیلئے لائی تھی اب اس کا نشانہ مراد سعید بنیں گے : رانا ثناءاللہ

نازیبا حرکات کا انکشاف

پیر خرم نے ایمرجنسی میں 5 ہزار روپے طلب کیے اور مجھے کمرے میں لے جاکر دم کرنے لگا۔ طبعیت خراب ہونے پر میرے ماموں بھی کمرے میں آگئے، لیکن پیر خرم نے دم کے بہانے میرے ساتھ نازیبا حرکات شروع کر دیں اور میرا دوپٹہ بھی اتار دیا۔

یہ بھی پڑھیں: حنا پرویز بٹ کا چکوال میں خاتون کے بہیمانہ قتل پر نوٹس، قاتل کو عبرت کا نشان بنایا جائے گا : چیئرپرسن پنجاب ویمن پروٹیکشن اتھارٹی

دھمکیاں اور مزید مسائل

متاثرہ خاتون کا کہنا تھا کہ پیر خرم نے کوئی پانی پلایا جس سے میری طبیعت مزید خراب ہوگئی۔ جب میرے ماموں مجھے اسپتال لے جانے لگے تو پیر خرم غصے میں آگیا اور باقی رقم 95 ہزار روپے کا مطالبہ کیا۔

پولیس کی کارروائی

پولیس نے بتایا کہ پیر خرم کے خلاف مقدمہ درج کر لیا گیا ہے اور گرفتاری کے بعد اس کی تفتیش کی جارہی ہے۔