پاکستان کے لیے جاسوسی کے الزام میں گرفتار بھارتی ولاگر کے والد کا بیان آگیا

بھارتی خاتون کی گرفتاری

نئی دہلی(ڈیلی پاکستان آن لائن)پاکستان کیلئے جاسوسی کے الزامات میں گرفتار ہونے والی بھارتی خاتون کے والد کا بیان سامنے آگیا۔

یہ بھی پڑھیں: کراچی: مویشی بیوپاریوں سے ایک کروڑ روپے لوٹنے میں ملوث 2 پولیس اہلکاروں سمیت 5 ملزمان گرفتار

گرفتار شدگان کی تفصیلات

واضح رہے کہ ہریانہ اور پنجاب سے مجموعی طورپر چھ افراد کو پاکستان کے لیے جاسوسی کے الزام میں گرفتار کیا گیا جن میں ہریانہ سے تعلق رکھنے والی یوٹیوبر اور ٹریول ولاگر جیوتی ملہوترا بھی شامل ہیں، ان پر الزام ہے کہ انہوں نے پاکستانی خفیہ ایجنسی کو بھارت کی حساس معلومات فراہم کی ہیں۔

یہ بھی پڑھیں: 299 بچوں اور مریضوں کے ساتھ زیادتی کرنے والے ڈاکٹر کو سزا سنادی گئی

والد کا بیان

این ڈی ٹی وی کے مطابق جیوتی ملہوترا کے والد حارث ملہوترا نے کہا کہ ان کی بیٹی پاکستان یوٹیوب کے لیے ویڈیوز بنانے کے لیے گئی تھی، والد نے پولیس کی جانب سے بیٹی کے ضبط کیے گئے موبائل فونز کی واپسی کا مطالبہ کیا گیا ہے۔

یہ بھی پڑھیں: پی ٹی آئی نے 8 نومبر کا پشاور جلسہ منسوخ کر دیا

پولیس کی کارروائی

یوٹیوبر کے والد کا کہنا تھا کہ پولیس نے ان کے بینک دستاویزات، فون، لیپ ٹاپ اور پاسپورٹ ضبط کر لیے ہیں۔ ان کا کہنا تھا کہ ان کی بیٹی دہلی جایا کرتی تھی اور گزشتہ چار پانچ دنوں سے ہریانہ کے شہر حصار میں موجود تھی۔

یہ بھی پڑھیں: اسٹریٹجک کمیونیکیشن فورم 2025: پاکستانی سفارتی مندوبین نے چینی الیکٹرک گاڑیاں کی آزمائشی ڈرائیونگ کی، دنیا کے لیے ’’متاثر کن تحفہ‘‘ قرار دیدیا

اجازت نامہ کی باتیں

ہریانہ کے شہری حارث ملہوترہ نے بھارتی خبر ایجنسی اے این آئی کو بتایا کہ وہ پاکستان اور دیگر مقامات پر یوٹیوب کے لیے ویڈیوز بنانے جاتی تھی۔ انہوں نے مزید کہا کہ ان کی بیٹی پاکستان جانے کے لیے تمام ضروری اجازتیں لے چکی تھی۔

یہ بھی پڑھیں: میں نے بیٹوں کو ذاتی فون نہیں دیا، ان پر کڑی نظر رکھتا ہوں: احسن خان

خاندان کا مطالبہ

حارث ملہوترا کا کہنا تھا کہ اگر اس کے وہاں کچھ دوست ہیں، تو کیا وہ انہیں نہیں بلا سکتی؟ میرا اور کوئی مطالبہ نہیں ہے، بس ہمارے فونز واپس کر دیں۔ ہمارے خلاف کیس درج کر لیا گیا ہے۔

یہ بھی پڑھیں: عمران خان تحریک انصاف اور فوج میں اتحاد دیکھنا چاہتے ہیں، بیرسٹر گوہر

حساس معلومات کا الزام

جیوتی ملہوترا کو حساس معلومات شیئر کرنے اور ایک پاکستانی شہری کے ساتھ مسلسل رابطے میں ہونے کے الزام میں گرفتار کیا گیا۔

یہ بھی پڑھیں: بیسیانہ ایئر فورس اسٹیشن کے قریب رافیل کی ٹیل گری، جس میں ایک شخص جاں بحق ہوا: بھارتی رکن اسمبلی کا اعتراف

پولیس کا بیان

حصار کے ڈی ایس پی کمبل جیت نے کہا کہ پولیس نے جیوتی ملہوترا کو 5 روزہ ریمانڈ پر لے لیا ہے اور ان کے خلاف آفیشل سیکریٹس ایکٹ اور بی این ایس کے متعلقہ دفعات کے تحت مقدمہ درج کیا گیا ہے۔

ویزا کا معاملہ

ابتدائی تفتیش کے دوران خاتون نے پولیس کو بتایا کہ وہ 2023 میں پاکستان ہائی کمیشن دہلی گئی تھی تاکہ ویزا کے لیے درخواست دے سکے اور اس دوران ان کی ملاقات احسن الرحیم نام کے شخص سے ہوئی، جو دانِش کے نام سے بھی جانا جاتا تھا۔