اگر کوئی سویلینز مارے گئے تو ان کو گننا ہمارا کام نہیں،ایئر مارشل اے کے بھارتی کی ویڈیو وائرل ہوگئی

نئی دہلی میں ایئرمارشل اے کے بھارتی کا متنازعہ بیان

بھارت کے ایئرمارشل اے کے بھارتی کی ڈھٹائی پر مبنی ایک اور ویڈیو سامنے آئی ہے جس میں ان کا کہنا ہے کہ پاکستان میں حملوں کے دوران اگر کوئی سویلینز مارے بھی گئے ہیں تو ان کو گننا ہمارا کام نہیں۔ ان کا یہ بیان افواج کے غیر انسانی رویے اور بین الاقوامی قوانین کی خلاف ورزی کے مترادف قرار دیا جا رہا ہے۔

یہ بھی پڑھیں: آنے والا گھنٹہ اہم، آئی جی اسلام آباد علی ناصر رضوی کا اہلکاروں کو الرٹ رہنے کی ہدایت

حملوں کے دوران نقصانات

سیکیورٹی ذرائع کے مطابق بھارتی افواج نے 6 اور 7 مئی کی درمیانی شب پاکستان کی حدود میں حملے کیے، جن میں 40 نہتے پاکستانی شہری شہید ہوئے جن میں 15 معصوم بچے، 7 خواتین اور 18 مرد شامل تھے۔ سکیورٹی ذرائع کے مطابق بھارتی حملوں کے نتیجے میں 121 افراد شدید زخمی ہوئے، جن میں 27 معصوم بچے اور 10 خواتین بھی شامل ہیں۔ یہ اعداد و شمار عالمی برادری کے ضمیر کو جھنجوڑنے کے لیے کافی ہیں۔

یہ بھی پڑھیں: پنچائت میں سچے کو سچا اور جھوٹے کو جھوٹا کہنے کے عادی ہیں، برادری ازم، معاشی اور معاشرتی ناہمواریوں کی نفی کرتے انسانیت کے قدر دان ہیں

اے کے بھارتی کا بیان

اب اے کے بھارتی کی ایک ویڈیو سامنے آئی ہے جس میں وہ سوالات کے جواب دیتے ہیں اور کہتے ہیں، "ہمارا مقصد جانی نقصان پہنچانا نہیں تھا لیکن اگر وہاں ہوا ہے تو یہ ان کا کام ہے، ہمارا کام ہدف کو نشانہ بنانا ہے، نہ کہ باڈی بیگ گنیں۔"

یہ بھی پڑھیں: پاکستان کو ایشیائی ترقیاتی بینک سے بڑی رقم موصول ہوگئی

ٹویٹر پر ردعمل

Press Conference: Air Marshal AK Bharti
"Our job is to hit the enemy target, not counting the bodybags, that is up to them".
Air Marshal AK Bharti confirms that all the Indian pilots are back home
1. Bahwalpur terror camp
2. Muridke terror camp
Bharat Mata ki Jai ???????? Jai Hind pic.twitter.com/YTh6yNucIN

— Sumit (@SumitHansd) May 11, 2025

بین الاقوامی تنقید

یاد رہے کہ بھارت کی طرف سے ان حملوں کے دوران پاک فضائیہ اور پاک فوج کے 13 جوانوں نے بھی وطن کے دفاع میں جامِ شہادت نوش کیا۔ دفاعی ماہرین کا کہنا ہے کہ بھارتی افواج کی جانب سے نہتے شہریوں کو جان بوجھ کر نشانہ بنانا جنگی جرائم کے زمرے میں آتا ہے۔ انہوں نے کہا کہ اقوامِ متحدہ اور عالمی انسانی حقوق کے ادارے اس وحشیانہ اقدام پر بھارت کو انصاف کے کٹہرے میں لائیں۔