پاکستان نے سفارتی سطح پر بھی دشمن کو ناکامی سے دوچار کیا: عطا تارڑ

وفاقی وزیر اطلاعات کی تقریر

اسلام آباد (ڈیلی پاکستان آن لائن) وفاقی وزیر اطلاعات و نشریات عطا تارڑ نے کہا ہے کہ پاکستان نے سفارتی سطح پر بھی دشمن کو ناکامی سے دوچار کیا۔

یہ بھی پڑھیں: جے 10 سی عالمی برآمدی منڈی میں ایف 16 کے مقابلے کیلئے تیار ہے، امریکی جریدہ

پاک فوج کی تعریف

نجی ٹی وی دنیا نیوز کے مطابق وفاقی دارالحکومت میں عطا تارڑ کا تقریب سے خطاب کرتے ہوئے کہنا تھا کہ تپتی ہوئی دھوپ میں پاک فوج سے محبت جذبہ حب الوطنی ہے، جو ملکی دفاع میں کردار افواج پاکستان نے ادا کیا وہ قابل تحسین ہے۔ سپہ سالار حافظ سید عاصم منیر کی ولولہ انگیز قیادت میں بھارت کو وہ منہ توڑ جواب دیا گیا جسے وہ ہمیشہ یاد رکھے گا۔

یہ بھی پڑھیں: اوورسیز پاکستانیوں  کی جائیداد کے تنازعات کے حل کے لیے خصوصی عدالت کا بل ایوانِ بالا سے منظور ہو گیا

قوم کا شکریہ

انہوں نے کہا کہ پوری قوم سوشل میڈیا اور میڈیا اینکرز کے مشکور ہیں جنہوں نے مل کر ملکی دفاع کی جنگ لڑی۔ شہباز شریف جنگ کی نگرانی اور دفاع پاکستان کےلئے کردار ادا کرتے رہے، سپہ سالار کی قیادت میں فتح میزائل فائر کیا تو بھارت میں کھلبلی مچ گئی۔

یہ بھی پڑھیں: ملک کے مختلف شہروں میں 5 روز سے انٹرنیٹ سروس متاثر

بھارتی جہازوں کی تباہی

وفاقی وزیر اطلاعات و نشریات کا کہنا تھا کہ چھ بھارتی جہازوں کو پاکستانی شاہینوں نے مار گرایا، بھارت گھبرا گیا کہ جس پاک افواج سے پالا پڑ گیا۔ یہ اللہ کا فضل تھا سول و عسکری قیادت نے قوم کا مان رکھا، ملکی دفاع کےلئے جانوں کے نذرانے پیش کیے، انہیں سلام پیش کرتے ہیں۔

یہ بھی پڑھیں: پنجاب ویمن پروٹیکشن اتھارٹی اور نیشنل سائبر کرائم ایجنسی کا خواتین کے تحفظ کے لیے سائبر پیٹرولنگ یونٹ کے قیام پر اتفاق

شہادت کا جذبہ

عطا تارڑ نے کہا کہ مائیں اپنے بچوں کو جذبہ شہادت سے بڑا کرتی ہیں، جو قوم سر پر کفن پہن کر کھڑی ہو اور دعائیں مانگتی ہو کہ بچہ شہید ہوکر واپس آئے، تو اسے کوئی شکست نہیں دے سکتا۔ انہوں نے کہا کہ نیشنل سیکیورٹی اور سپہ سالار نے جو فیصلے کئے، اس پر تمام افواج نے مل کر جو کردار ادا کیا وہ ہمیشہ یاد رکھا جائے گا۔

یہ بھی پڑھیں: ہمیں آئینی ترمیم کے مسودے سے اتفاق نہیں، معاملے کو پیر تک روکا جائے، پی ٹی آئی رہنما کا بیان

کشمیر پر بات چیت

عطا تارڑ کا کہنا تھا کہ پاکستان نے سفارتی سطح پر بھی دشمن کو ناکامی سے دوچار کیا، قوم نے متحد ہوکر دشمن سے جنگ لڑی اور کامیابی حاصل کی۔ نواز شریف نے چھ ایٹمی دھماکے کئے تھے، جبکہ شہباز شریف کے دور میں بھارت کے 6 جہاز گرائے گئے۔

معاشی ترقی کا وعدہ

انہوں نے مزید کہا کہ دوست ممالک کا ساتھ دینے پر شکر گزار ہیں، معاشی ترقی کے سفر کو آگے بڑھائیں گے، معاشی میدان میں بھی دشمن کو شکست دیں گے۔ دشمن نے امن کو کمزوری سمجھا تو بھرپور جواب دیا جا چکا ہے۔ اب بات ہوگی تو کشمیر پر ہوگی، معاشی ترقی پر ہوگی، اڑان پاکستان کی بات ہوگی۔ امریکی صدر ڈونلڈ ٹرمپ، سعودی عرب، ترکی، ایران اور آذربائیجان نے اپنا کردار ادا کیا۔