نور مقدم قتل کیس؛سپریم کورٹ نے مجرم ظاہر جعفرکی اپیل پر فیصلہ سنا دیا

سپریم کورٹ کا فیصلہ

اسلام آباد(ڈیلی پاکستان آن لائن) سپریم کورٹ نے نور مقدم قتل کیس میں مجرم ظاہر جعفر کی اپیل پر فیصلہ سنا دیا۔

یہ بھی پڑھیں: دریائے ہنزہ میں سیلاب، شاہراہ قراقرم کا بڑا حصہ بہہ گیا، پاکستان اور چین کا زمینی راستہ منقطع

سزا کی تفصیلات

نجی ٹی وی چینل جیو جیوز کے مطابق، سپریم کورٹ کے جسٹس ہاشم کاکڑ نے مختصر فیصلہ سنایا۔ عدالت نے مجرم ظاہر ذاکر جعفر کی سزائے موت برقرار رکھتے ہوئے اپیل مسترد کردی۔ مجرم ظاہر جعفر کے مالی اور چوکیدار کی سزائیں کم کردی گئیں۔

یہ بھی پڑھیں: فتنہ الخوارج پی ٹی آئی کے احتجاج میں دہشتگردی کرسکتی ہے، نیکٹا کا تھریٹ الرٹ جاری

چوکیدار اور مالی کی سزائیں

سپریم کورٹ نے کہا کہ چوکیدار اور مالی جتنی سزا گزار چکے اتنی ہی رہیں گی۔

مجرم ظاہر جعفر کی سزائیں

مجرم ظاہر جعفر کی دفعہ 302 میں سزائے موت برقرار رکھی گئی ہے جبکہ دفعہ 376 میں سزائے موت کو عمر قید میں بدل دیا گیا۔ مجرم ظاہر جعفر کی اغوا کے الزام میں سزا کالعدم قرار دے دی گئی۔