اسحاق ڈار، چینی وزیر خارجہ کے باضابطہ مذاکرات مکمل: سٹریٹجک پارٹنرشپ مزید مضبوط بنانے پر اتفاق
پاکستان اور چین کے درمیان مذاکرات
اسلام آباد (ڈیلی پاکستان آن لائن )پاکستان اور چین کے درمیان باضابطہ مذاکرات مکمل ہوگئے۔ وزیرخارجہ اسحاق ڈار اور چینی ہم منصب وانگ یی نے اپنے اپنے وفد کی قیادت کی۔
یہ بھی پڑھیں: مری میں لینڈ سلائیڈنگ، 2 عمارتیں مکمل تباہ، سڑک کا ایک حصہ متاثر، ٹریفک کی آمدورفت معطل
مذاکرات کا مقصد
نجی ٹی وی آج نیوز کے مطابق، پاکستان اور چین کے درمیان اعلیٰ سطح کے باضابطہ مذاکرات اختتام پذیر ہوگئے، جن میں دونوں ممالک نے سٹرٹیجک شراکت داری کا جائزہ لیا اور اسے مزید مضبوط بنانے پر اتفاق کیا۔
یہ بھی پڑھیں: Israel: Shooting at Bus Stop Leaves Female Police Officer Dead, 10 Injured
وفود کی قیادت
مذاکرات میں پاکستان کی جانب سے نائب وزیراعظم اسحاق ڈار نے وفد کی قیادت کی، جبکہ پاکستانی سفیر خلیل ہاشمی اور ایڈیشنل فارن سیکرٹری عمران صدیقی بھی وفد میں شامل تھے۔ چینی وفد کی قیادت وزیر خارجہ وانگ یی نے کی۔
یہ بھی پڑھیں: سعودی ولی عہد محمد بن سلمان امریکی صدر ڈونلڈ ٹرمپ سے اہم ترین ملاقات کے لیے وائٹ ہاؤس پہنچ گئے
مذاکرات میں اہم مسائل
ذرائع کے مطابق مذاکرات میں پاک چین سٹرٹیجک پارٹنرشپ، علاقائی صورتحال اور باہمی دلچسپی کے امور زیر غور آئے۔ نائب وزیراعظم اسحاق ڈار نے بھارت کے ساتھ حالیہ کشیدگی پر چین کو آگاہ کیا اور بھارت کے "جھوٹے بیانیے" کو مسترد کیا۔
یہ بھی پڑھیں: ایران، اسرائیل کشیدگی: چین اور جنوبی کوریا نے اپنے شہریوں کو ہدایات جاری کردیں
شراکت داری کی اہمیت
دونوں ممالک نے اس بات پر زور دیا کہ پاکستان اور چین کے درمیان اعتماد اور تعاون پر مبنی شراکت داری خطے میں امن و استحکام کے لئے اہم ہے۔
ملاقات کا اختتام
ملاقات کے اختتام پر چینی وزیر خارجہ وانگ یی پاکستانی وفد کے اعزاز میں عشائیہ بھی دیں گے۔
