نواز شریف کو مزید شرمندہ نہ کیا جائے، اس وقت پاکستان میں 2 ہی لیڈرز ہیں، پہلے عمران خان، اب بلاول بھٹو نظر آتے ہیں: فیصل واوڈا

پاکستان کی سیاسی صورتحال

اسلام آباد (آئی این پی ) سینیٹرفیصل واوڈا نے کہا ہے کہ اس وقت پاکستان میں 2 ہی لیڈرز ہیں، پہلے عمران خان تھے اور اب بلاول بھٹو نظر آتے ہیں۔ نواز شریف جس عمر میں پہنچ چکے ہیں انہیں مزید شرمندہ نہ کیا جائے۔

یہ بھی پڑھیں: صدر کے بعد وزیر اعظم کو بھی فوجداری مقدمات سے استثنیٰ کی ترمیم پیش کر دی گئی

عمران خان سے ملاقات کی وضاحت

عمران خان سے جیل میں اہم ملاقات کی خبر کا کوئی سرپیر نہیں۔ میری خواہش تھی کہ ملاقات ہوتی لیکن ملاقات نہیں ہوئی۔ شہباز شریف کے پاس مذاکرات شروع کرنے کا سنہری موقع ہے۔

یہ بھی پڑھیں: بھارتی اداکارہ ’دیابین‘ کو بگ باس کے نئے سیزن میں کتنے کروڑ کی آفر ملی؟ جانیں!

میڈیا کے کردار کی تعریف

سینیٹر فیصل واوڈا نے کہا کہ جنگ کے دوران پاکستانی میڈیا نے پورے ملک کو متحد رکھا۔ پاکستان کے میڈیا کو خراج تحسین پیش کرتا ہوں۔

یہ بھی پڑھیں: پاکستان اسٹاک ایکسچینج میں ایک ہفتے کے دوران ملا جلا رجحان رہا

نواز شریف اور دیگر سیاستدانوں پر تنقید

عظمی بخاری کی جانب سے نواز شریف کو بھارت کے خلاف حالیہ ملٹری آپریشن کا کریڈٹ دیے جانے پر سینیٹر فیصل واوڈا نے کہا کہ یہ لوگ جاہل ہیں، ان میں سیاسی شعور نہیں ہے۔ نواز شریف جس عمر میں پہنچ چکے ہیں انہیں مزید شرمندہ نہ کیا جائے۔

یہ بھی پڑھیں: فلسطینیوں کی ہمت اورغیرمتزلزل حوصلے نے تاریخ میں نیا باب رقم کیا : وزیر اعلیٰ مریم نواز

شہباز شریف کی قیادت

پورا پاکستان ایک ساتھ کھڑا ہوا ہے، شہبازشریف کے پاس مذاکرات شروع کرنے کا سنہری موقع ہے۔ وزیراعظم شہبازشریف کو لیڈرشپ کا مظاہرہ کرنا چاہیئے۔

یہ بھی پڑھیں: بیرسٹر گوہر کا حکومت کی جانب سے مذاکراتی کمیٹی کی تشکیل کا خیر مقدم

پنجاب حکومت کا ذکر

انہوں نے کہا کہ پنجاب حکومت ٹک ٹاک حکومت ہے، کوئی بیان نہیں آیا۔ پی ٹی آئی کے اندر بھی غیرسنجیدہ لوگ ہیں جو نہیں چاہتے کہ عمران خان باہر آئیں۔

جنگ کے دوران سیاسی اتحاد

پاک بھارت جنگ کے دوران تمام سیاستدانوں نے بھی اچھا کام کیا۔ نواز شریف نے جنگ کے دوران خاموشی اختیار کئے رکھی، جبکہ مریم نواز نے اپنے والد کو آپریشن اور جہاز کا کریڈٹ دے دیا۔