سابق وزیراعلیٰ خیبرپختونخوا محمود خان کو 18 جون تک گرفتار نہ کرنے کا حکم

پشاور ہائیکورٹ کا فیصلہ

پشاور(ڈیلی پاکستان آن لائن) پشاور ہائیکورٹ نے سابق وزیراعلیٰ محمود خان کو اختیارات کے ناجائز استعمال کے کیس میں 18 جون تک گرفتار نہ کرنے کا حکم دے دیا۔

یہ بھی پڑھیں: سولر پینلز، یو پی ایس اور سولر بیٹریوں کی قیمتوں میں بڑی کمی

کیس کی تفصیلات

نجی ٹی وی سما نیوز کے مطابق پشاور ہائیکورٹ کے جسٹس صاحبزادہ اسد اللہ اور جسٹس کامران حیات میاں خیل نے سابق وزیراعلیٰ خیبرپختونخوا محمود خان کا محکمہ اینٹی کرپشن کی ایف آئی آر منسوحی کے کیس کی سماعت کی۔

یہ بھی پڑھیں: امارات نے امریکہ کے ساتھ مل کر یمن میں فوجی کارروائی کی تردید کردی

درخواست گزار کا مؤقف

وکیل درخواست گزار نے کہا کہ محمود خان صوبے کے وزیراعلیٰ رہ چکے ہیں، عام انتخابات سے قبل سابق وزیراعلیٰ نے پی ٹی آئی چھوڑ کر اپنی پارٹی بنائی، موجودہ صوبائی حکومت نے پہلے ان سے سیکورٹی واپس لے لی، پھر ان کے آبائی ضلع میں تمام ترقیاتی منصوبے ختم کئے گئے جبکہ محکمہ انسداد بدعنوانی نے ان پر اختیارات کے ناجائز استعمال کا الزام عائد کیا۔

یہ بھی پڑھیں: بانی پی ٹی آئی پر پنجاب میں درج مقدمات کی تفصیلات کی رپورٹ لاہور ہائیکورٹ میں جمع

عدالت کی سماعت

ایڈیشنل ایڈوکیٹ جنرل انعام یوسفزئی نے عدالت میں مؤقف اختیار کیا کہ سابق وزیراعلیٰ نے تاحال تفتیش جوائن نہیں کی، ان کے ساتھ اور درخواست گزار بھی ہیں، انہوں نے بھی انکوائری کے خلاف درخواستیں دائر کی ہیں۔

عدالت کا حکم

بینچ نے کہا کہ اس کیس کو بھی باقاعدہ درخواستوں کے ساتھ سن لیں گے، جس کے بعد عدالت نے سابق وزیراعلیٰ محمود خان کو 18 جون تک گرفتار نہ کرنے کا حکم جاری کردیا۔