اسحاق ڈار کی چین اور افغان ہم منصب سے ملاقات، سکیورٹی تعاون بڑھانے پر اتفاق

سہ فریقی ملاقات کا انعقاد

بیجنگ(ڈیلی پاکستان آن لائن) نائب وزیراعظم و وزیر خارجہ اسحاق ڈار چینی وزیر خارجہ اور افغانستان کے قائم مقام وزیر خارجہ کے مابین بیجنگ میں سہ فریقی ملاقات ہوئی۔ ترجمان دفتر خارجہ کے مطابق تینوں وزرائے خارجہ نے سہ فریقی تعاون کو علاقائی سلامتی اور معاشی روابط کے فروغ کے لئے اہم قرار دیا۔

یہ بھی پڑھیں: لاہور کی قدیمی مارکیٹ کی دکانیں گرانے کا فیصلہ

افغانستان میں سیکیورٹی اور معاشی روابط

ملاقات میں افغانستان میں سیکیورٹی ماحول میں بہتری کو سراہتے ہوئے علاقائی استحکام کے لئے معاشی روابط کو اہمیت دی گئی۔ تینوں وزرائے خارجہ کی جانب سے سہ فریقی سفارتی سرگرمیوں اور تعاون کو ضروری قرار دیا گیا۔

یہ بھی پڑھیں: افسوس ہے وزیراعلیٰ پنجاب کو گٹر کھلوانے کے لیے خود آنا پڑتا ہے، ترجمان سندھ حکومت

پاکستان اور چین کے باہمی تعاون

ترجمان کے مطابق وزیر خارجہ اسحاق ڈار کی جانب سے افغانستان کے ساتھ قریبی روابط میں تعاون سمیت تجارت، ٹرانزٹ، صحت اور باہمی روابط کے فروغ کا اعادہ کیا گیا۔ پاکستان اور چین کی جانب سے سی پیک کو افغانستان تک بڑھانے پر اتفاق کیا گیا۔

یہ بھی پڑھیں: لاہور میں جسم فروشی کے دھندے میں ریکارڈ یافتہ شخص کی موت ہو گئی

خطے میں امن کے لئے سیکورٹی تعاون

چین کی جانب سے پاکستان اور افغانستان کی سالمیت اور استحکام کے لئے مکمل حمایت کا اظہار کیا گیا۔ تینوں وزرائے خارجہ کی جانب سے خطے میں دہشت گردی کی روک تھام اور امن کے لیے سیکورٹی تعاون بڑھانے پر اتفاق کیا گیا۔

میڈیا بریفنگ کی تفصیلات

ترجمان دفتر خارجہ کاکہنا تھا کہ ڈپٹی وزیراعظم و وزیر خارجہ اسحاق ڈار کل میڈیا کو دورہ چین پر بریفنگ دیں گے۔ اسحاق ڈار کل دوپہر میڈیا نمائندوں سے خطاب کریں گے اور حالیہ دورہ چین کی تفصیلات سے آگاہ کریں گے۔