پہلگام حملہ بہار کا الیکشن جیتنے کے لیے کروایا گیا، مودی حکومت قومی سلامتی کے مسائل کو انتخابی فائدے کے لیے استعمال کرتی ہے۔ یشونت سنہا کھل کر بول پڑے۔

پہلگام حملے کا مقصد

نئی دہلی (مانیٹرنگ ڈیسک) پہلگام حملہ بہار کا الیکشن جیتنے کے لیے کروایا گیا ہے۔ بھارت کے سابق وزیر خزانہ اور آل انڈیا ترنمول کانگریس کے لیڈر یشونت سنہا نے تہلکہ خیز انکشافات کر دیئے۔

یہ بھی پڑھیں: پاکستان ہائی کمیشن لندن میں لاہور قلندرز کی ٹرافی تقریب، عوام اور کرکٹ اسٹارز کا جوش و خروش

پاکستان کو کلین چٹ

’’جنگ‘‘ کے مطابق بھارت کے سابق وزیر خزانہ یشونت سنہا نے پہلگام حملے میں پاکستان کو کلین چٹ دے دی۔ ایک انٹرویو میں انہوں نے کہا کہ پہلگام حملہ بہار کا الیکشن جیتنے کے لیے کروایا گیا ہے۔ اس سے پہلے پلواما حملہ بھی انتخابات سے پہلے ہوا تھا، جس کا بھرپور فائدہ مودی نے اٹھایا تھا۔ مودی نے انتخابی جلسوں میں پلواما میں مارے جانے والوں کے نام پر ووٹ مانگے تھے۔

یہ بھی پڑھیں: سینیٹ اجلاس کا 18نکاتی ایجنڈا جاری کردیا گیا

مودی حکومت پر تنقید

یشونت سنہا نے مودی حکومت کو تنقید کا نشانہ بناتے ہوئے کہا کہ پہلگام حملے کے بعد پاکستان کے خلاف فوجی ردعمل کو بہار اسمبلی انتخابات کے پیش نظر انتخابی حربے کے طور پر استعمال کیا گیا ہے۔ ایسے واقعات صرف انتخابات کے وقت ہی ہوتے ہیں۔ مودی حکومت قومی سلامتی کے مسائل کو انتخابی فائدے کے لیے استعمال کرتی ہے اور وزیراعظم نریندر مودی پلواما اور اڑی حملوں میں مرنے والوں کے نام پر ووٹ مانگتے ہیں۔

کوئی جواب نہیں

انہوں نے یہ بھی کہا کہ حکومت نے پلواما اور اڑی حملوں سے متعلق کوئی معلومات یا جواب نہیں دیا اور پہلگام حملے کی تفصیلات بھی ظاہر نہیں کی جائیں گی۔