آئرش کپتان نے ویسٹ انڈیز کے خلاف تاریخ رقم کردی

آئرلینڈ کی شاندار فتح

ڈبلن (ڈیلی پاکستان آن لائن) ویسٹ انڈیز کے خلاف سیریز کے پہلے میچ میں آئرلینڈ کے کپتان پال سٹرلنگ نے نئی تاریخ رقم کرڈالی۔
ڈبلن میں کھیلے گئے میچ میں آئرلینڈ نے ویسٹ انڈیز کو سیریز کے پہلے ون ڈے میچ میں آؤٹ کلاس کرتے ہوئے 124 رنز سے شکست دے کر سیریز میں ایک صفر کی برتری حاصل کی۔

یہ بھی پڑھیں: مومن ثاقب کانز لائنز (Cannes Lions) کے عالمی تخلیقی میلے میں شامل ہونے والے پہلے پاکستانی ٹک ٹاک سٹار بن گئے۔

پال سٹرلنگ کا تاریخی سنگ میل

اس میچ میں کپتان پال سٹرلنگ نے کیرئیر کے 10 ہزار رنز بنانے کا سنگ میل عبور کیا، وہ یہ اعزاز حاصل کرنے والے پہلے آئرش بیٹر بنے۔

یہ بھی پڑھیں: نائب وزیراعظم اسحاق ڈار رواں ماہ امریکا کا دورہ کریں گے

آئرلینڈ کی بیٹنگ کی کارکردگی

آئرلینڈ نے پہلے بیٹنگ کرتے ہوئے مقررہ 50 اوورز میں 6 وکٹوں کے نقصان پر 303 رنز بنائے، اینڈریو بالبرنی نے 112، ہیری ٹیکٹر نے 56 اور کپتان پال سٹرلنگ نے 54 رنز سکور کیے۔

یہ بھی پڑھیں: ملکی مفاد کے خلاف کام کرنے والی ایک لاکھ سے زائد ویب سائٹس، ہزاروں یوٹیوب چینلز بلاک

ویسٹ انڈیز کی ناکامی

ہدف کے تعاقب میں مہمان ویسٹ انڈیز ٹیم 35 ویں اوور میں 179 رنز پر ڈھیر ہوگئی۔

یہ بھی پڑھیں: ترکیے نے اپنا پہلا ہائپر سونک میزائل ٹائفون بلاک 4 متعارف کروا دیا

انٹرنیشنل ریکارڈ

پال سٹرلنگ آئرلینڈ کی جانب سے انٹرنیشنل کرکٹ میں 10 ہزار رنز مکمل کیے، دائیں ہاتھ کے بیٹر نے آئرلینڈ کیلئے ٹی20 انٹرنیشنلز میں 3656، ٹیسٹ میں 382 اور ون ڈے میں 5979 رنز سکور کیے ہیں جو مجموعی طور پر 10 ہزار 17 رنز بنتے ہیں۔