سیالکوٹ میں گاڑی سے لڑکی اور لڑکے کی برہنہ لاشیں ملنے کا معمہ حل، افسوسناک انکشاف

سیالکوٹ میں لرزہ خیز واقعہ

سیالکوٹ (ویب ڈیسک) سیالکوٹ تھانہ کوٹلی لوہاراں کے علاقے محلہ بلووال روڈ پر ایک کار سے دو برہنہ لاشیں برآمد ہونے کے واقعے کا معمہ حل ہو گیا ہے۔ پولیس کے مطابق یہ واقعہ ایک غیرت کے نام پر قتل کا ہے، جس میں شوہر نے اپنی بیوی اور اس کے دوست کو موت کے گھاٹ اتار دیا۔

ملزم کا اعتراف

تفصیلات کے مطابق ملزم محمد عمران نے اپنی بیوی ثناء عمران اور اس کے مبینہ دوست احتشام عرف راجہ کو غیرت کے نام پر قتل کیا۔ پولیس کا کہنا ہے کہ قتل کے بعد محمد عمران دونوں لاشوں کو کار میں ڈال کر ٹھکانے لگانے کے لیے روانہ ہوا، تاہم راستے میں کار ایک کھمبے سے ٹکرا گئی۔

حادثے کے بعد کی صورتحال

حادثے کے بعد محمد عمران موقع سے فرار ہو گیا، جبکہ دونوں لاشیں کار میں موجود پائیں گئیں۔ اطلاع ملنے پر پولیس نے جائے وقوعہ پر پہنچ کر لاشوں کو قبضے میں لے کر پوسٹ مارٹم کے لیے ہسپتال منتقل کر دیا۔