دل چاہتا ہے بڑی ہو کر سی ایم بنوں

یونیورسٹی آف سرگودھا میں تقریب

لاہور (ڈیلی پاکستان آن لائن) یونیورسٹی آف سرگودھا میں لیپ ٹاپ اور ہونہار سکالر شپ سکیم کی تقریب میں پہنچنے پر وزیر اعلیٰ مریم نواز کا طلباء نے پرجوش خیر مقدم کیا۔ طلباء نے کھڑے ہوکر تالیاں بجائیں اور خوش آمدید کے نعرے لگائے۔

یہ بھی پڑھیں: امریکی سینئر عہدیدار کے تھنک ٹینک میں بیان پر دفترِ خارجہ کا ردِعمل سامنے آ گیا

لیپ ٹاپ کی تقسیم

وزیر اعلیٰ نے طلباء میں لیپ ٹاپ تقسیم کیے۔ انہوں نے نشستوں پر جاکر ارکان اسمبلی اور ٹکٹ ہولڈرز سے ملاقات بھی کی۔

یہ بھی پڑھیں: 213 ارب روپے کے میونسپل ٹیکس کا معاملہ، رؤف کلاسرا کے بیان پر احسن اقبال کی وضاحت آگئی

تعامل اور قومی ترانہ

ایک طالبہ نے وزیر اعلیٰ مریم نواز سے مکالمہ کرتے ہوئے کہا کہ "دل چاہتا ہے بڑی ہو کر سی ایم بنوں" جس پر وزیر اعلیٰ نے جواب دیا، "آمین"۔ وزیر اعلیٰ مریم نواز نے طلباء کی درخواست پر ان کے ساتھ قومی ترانہ پیش کیا۔

یہ بھی پڑھیں: سردی سے بچنے کے لیے آگ لگائی اور سلنڈر دھماکے سے پھٹ گیا، دکاندار جاں بحق، 4 زخمی، علاقے میں خوف و ہراس

فوجی فتح کی مبارکباد

وزیر اعلیٰ نے طلباء کو آپریشن بنیان مرصوص میں فتح پر مبارکباد پیش کی اور طلباء نے پاک فوج کی فتح مبین کا پرجوش نعروں سے خیرمقدم کیا۔ انہوں نے تلاوت قرآن مجید اور نعت رسول مقبولﷺ پیش کرنے والے طلباء سے اظہارِ شفقت کیا۔

یہ بھی پڑھیں: مشرق وسطی میں کشیدگی، عالمی منڈی میں خام تیل کی قیمت بڑھ گئی

خصوصی پیشکشیں

"یونہی دنیا میں تم جگمگاتے رہو" نوجوانوں کے لئے شاندار نغمہ پیش کرنے پر وزیر اعلیٰ مریم نواز نے خراج تحسین پیش کیا اور نغمہ پیش کرنے والے طلباء و طالبات کو بلا کر تصویر بنوائی۔

یہ بھی پڑھیں: راجوڑی میں بھارتی ملٹری انٹیلی جینس کا تربیتی مرکز تباہ

تعارف اور تحفے

وزیر اعلیٰ مریم نواز کو طالبات نے پورٹریٹ پیش کئے اور 1929 میں تعمیر ہونے والی تعلیمی عمارت کا خوبصورت ماڈل بھی پیش کیا۔ انہوں نے یونیورسٹی آف سرگودھا کو لمز کے برابر رینکنگ ملنے پر خوشی کا اظہار کیا۔

یہ بھی پڑھیں: پاکستان کی خاطر اسٹیبلشمنٹ سے بات کرنے کے لیے تیار ہوں، عمران خان

پولیس کے چاق و چوبند دستے کی سلامی

تقریب میں سرگودھا پولیس کے چاق و چوبند دستے نے طلباء کو سلامی پیش کی۔ طلباء نے ہونہار سکالر شپ اور لیپ ٹاپ سکیم کے بارے میں اپنے تاثرات بھی بیان کیے۔

یہ بھی پڑھیں: ثنا یوسف قتل کیس، ملزم سے کتنے پیسے برآمد ہوئے؟ تہلکہ خیز انکشاف

خصوصی ڈاکومنٹری اور تقسیم

وزیر اعلیٰ مریم نواز نے طالبہ کی خواہش پر سٹیج پر جاکر معانقہ کیا۔ تقریب میں لیپ ٹاپ اور ہونہار سکالر شپ سکیم کے بارے میں خصوصی ڈاکومنٹری بھی پیش کی گئی۔

لیپ ٹاپ اور سکالر شپس کی تعداد

سرگودھا ڈویژن کے طلباء کو 2983 لیپ ٹاپ اور 2491 ہونہار سکالر شپ دئیے گئے۔ پبلک یونیورسٹیوں کے 2587 لیپ ٹاپ اور 1975 ہونہار سکالر شپ دئیے گئے۔ سرگودھا ڈویژن میں میڈیکل کالج کے 93 طلباء کو لیپ ٹاپ اور 55 طلباء کو سکالر شپ ملے۔ سرگودھا ڈویژن کے کالجز کے 303 طلباء کو لیپ ٹاپ اور 461 طلباء کو ہونہار سکالر شپ ملیں گے۔