ٹرمپ انتظامیہ نے ہارورڈ یونیورسٹی کو نئے بین الاقوامی طلباء کے اندراج سے روک دیا

ڈونلڈ ٹرمپ کی انتظامیہ کا فیصلہ

واشنگٹن (ڈیلی پاکستان آن لائن) امریکی صدر ڈونلڈ ٹرمپ کی انتظامیہ نے ہارورڈ یونیورسٹی کو نئے بین الاقوامی طلباء کے اندراج سے روک دیا ہے، جبکہ موجودہ غیر ملکی طلباء کو دیگر اداروں میں منتقل ہونے کا حکم دیا گیا ہے۔

یہ بھی پڑھیں: ستاروں کی روشنی میں آپ کا آج (پیر) کا دن کیسا رہے گا ؟

ہارورڈ یونیورسٹی کا ردعمل

ٹی آرٹی ورلڈ کے مطابق ہارورڈ یونیورسٹی نے اس فیصلے کو "غیر قانونی" قرار دیتے ہوئے کہا ہے کہ وہ دنیا کے 140 سے زائد ممالک سے آنے والے طلباء اور محققین کی میزبانی کے اپنے عزم پر قائم ہے۔ یونیورسٹی کے جاری کردہ بیان میں کہا گیا ہے کہ یہ فیصلہ علمی آزادی اور بین الاقوامی تعاون کے اصولوں کے منافی ہے۔

یہ بھی پڑھیں: پاک افغان اختلافات کا پیچیدہ تنازعات میں تبدیل ہونا دونوں اقوام کیلئے نئی مشکلات اور آزمائشوں کے دروازے کھول سکتا ،خواجہ سعد رفیق

ماہرین کی تشویش

ماہرین تعلیم اور انسانی حقوق کے اداروں نے اس اقدام پر تشویش کا اظہار کرتے ہوئے کہا ہے کہ یہ عالمی تعلیمی برادری کے لیے خطرناک مثال قائم کر سکتا ہے۔

تنقید کا سامنا

یاد رہے کہ ٹرمپ انتظامیہ کی امیگریشن پالیسیوں پر پہلے ہی شدید تنقید جاری ہے، اور یہ فیصلہ اس سلسلے کی ایک اور کڑی کے طور پر دیکھا جا رہا ہے۔