خاتون مریضہ کی زبان سے زبان لگا کر چیک اپ کرنے والا ڈاکٹر گرفتار

پولیس کی کارروائی

میاں چنوں (ڈیلی پاکستان آن لائن) میاں چنوں میں پولیس نے خاتون مریضہ کو جنسی ہراساں کرنے پر ڈاکٹر کو گرفتار کرتے ہوئے مقدمہ درج کر لیا۔

یہ بھی پڑھیں: پنجاب اسمبلی میں توڑ پھوڑ کے الزام میں اراکین کو بھاری جرمانے بھی بھگتنا ہوں گے، نام سامنے آ گئے

ویڈیو کا سامنا

تفصیلات کے مطابق سوشل میڈیا پر ایک ویڈیو تیزی سے وائرل ہوئی جس میں ایک شخص اپنا تعارف اعجاز غنی کے نام سے کرواتا ہے اور سامنے کھڑے ڈاکٹر رفیق گجر پر الزام عائد کرتا ہے کہ ’’میں اپنی بیگم کو چیک کروانے کیلئے آیا، میں نے تمام میڈیکل ٹیسٹ کروائے لیکن ڈاکٹر نے میری بیگم کی زبان سے زبان لگا کر چیک کیا۔ ڈاکٹر صاحب مجھے بتائیں یہ کون سا ٹیسٹ ہے جو زبان سے زبان لگاکر کیا جاتا ہے؟ ڈاکٹر صاحب آپ اپنی بیگم کو بلائیں، میں بھی زبان لگائے بغیر نہیں جاوں گا، مجھے مار کر بھیج دیں یا پھر میں آپ کا علاج کر کے جاوں گا۔’’

پولیس کے اقدامات

میاں چنوں نے پولیس کو شکایت موصول ہونے پر ڈاکٹر رفیق گجر کو گرفتار کرتے ہوئے دفعہ 376 کے تحت مقدمہ درج کر لیا ہے۔ تاہم ڈاکٹر نے صحت جرم سے انکار کر دیا ہے۔