خان صاحب باہر آ گئے تو حکومت ایک گھنٹہ بھی نہیں چل سکے گی، شبلی فراز

اسلام آباد(آئی این پی )پی ٹی آئی رہنما اورسینیٹ میں قائد حزب اختلاف شبلی فراز نے کہا  ہے کہ حکومت اسٹیبلشمنٹ کے ساتھ لڑانا چاہتی ہے، پی ٹی آئی کی مشکلات میں حکومتی بقا ہے۔

یہ بھی پڑھیں: آئی جی اسلام آباد پر مقدمے کیلئے پشاور کے تھانے میں درخواست جمع

حکومتی مذاکرات کی ناکامی

شبلی فراز نے مزید کہا کہ مذاکرات نہیں چلے کیونکہ حکومت سنجیدہ نہیں تھی۔ گردشی قرضہ اتار کر عوام کے سر ڈال دیا گیا، جب تک ہمارے لیڈر اندر ہیں حکومت چلتی رہے گی۔ عمران خان  باہر آئے تو حکومت گھنٹہ بھر نہیں چلے گی۔

یہ بھی پڑھیں: چار بیویاں اور اعمال کی اہمیت: ایک سبق آموز داستان

حکومتی مفادات کا ایجنڈا

ایک انٹرویو میں انہوں نے کہا کہ حکومت جان بوجھ کر پاکستان تحریک انصاف کو دیوار سے لگا کر اپنی بقا چاہتی ہے۔ شبلی فراز نے کہا کہ حکومت کا مقصد اسٹیبلشمنٹ اور پی ٹی آئی کے درمیان کشیدگی کو بڑھانا ہے، مگر اسٹیبلشمنٹ کی طرف سے کوئی ردعمل اب تک سامنے نہیں آیا۔

یہ بھی پڑھیں: جی ایچ کیو حملہ کیس، شیخ رشید کی درخواست خارج کیخلاف اپیل مسترد

قوم کے مسائل اور حزب اختلاف کی حمایت

شبلی فراز نے کہا کہ تحریک انصاف ہمیشہ فوج اور ریاستی اداروں کے ساتھ کھڑی رہی ہے۔ ان کے بقول، یہ ملکی تاریخ کے متنازع ترین انتخابات تھے، اور ایسی حکومت اور پارلیمنٹ جس کے پاس عوامی مینڈیٹ نہ ہو، کبھی مضبوط نہیں ہو سکتی۔

یہ بھی پڑھیں: یوٹرن نہیں لیا، پاکستانیوں کے بھارت میں کام نہ کرنے کے موقف پر قائم ہوں :نادیہ خان

بلاول بھٹو کے دورے اور PTI کی حکمت عملی

شبلی فراز نے سوال اٹھایا کہ بلاول بھٹو اور دیگر حکومتی شخصیات بیرونِ ملک کیسے دورے کر رہے ہیں۔ انہوں نے کہا کہ آنے والے دنوں میں پی ٹی آئی کا اتحاد متحرک نظر آئے گا۔ 26 نومبر کے بعد پارٹی کو سنبھلنے میں وقت لگا، مگر اب ہم دوبارہ سے میدان میں آ رہے ہیں۔

یہ بھی پڑھیں: لاہور سمیت پنجاب میں شدید دھند اور سموگ کا راج، موٹر ویز مختلف مقامات سے بند

حکومت کی ناکامی اور عوام کی حالت

انہوں نے بتایا کہ حکومت اپنے ذاتی مفادات کے لیے کام کر رہی ہے اور عوامی فلاح ان کے ایجنڈے پر نہیں ہے۔ گردشی قرضہ عوام کے سر ڈال کر حکومت خود بری الذمہ ہو چکی ہے۔ نہ لوڈ شیڈنگ ختم ہوئی نہ قرضے ختم ہوئے۔

یہ بھی پڑھیں: سونے کی فی تولہ قیمت 2100 روپے کا اضافہ

پیپلز پارٹی کا کردار

پی ٹی آئی رہنما نے مزید کہا کہ پیپلز پارٹی کا منفی کردار ہے اور ان کی عجیب سیاست ہے۔ نہروں کا کیا دھرا انھیں کا ہے اور پھر پیچھے ہٹ گئی۔

پاور سیکٹر میں اصلاحات کی ناکامی

پی ٹی آئی رہنما نے کہا کہ حکومت پاور سیکٹر میں اصلاحات میں بری طرح ناکام ہوئی ہے، قوم کے ساتھ سچ بولیں، وزارت نجکاری کو بند کر دیں۔