اداکارہ نادیہ خان کا ائیر وائس مارشل اورنگزیب سے کیا رشتہ ہے؟ اداکارہ نے پرانی تصویر شیئر کر دی

نادیہ خان کا ائیر وائس مارشل اورنگزیب احمد سے تعلق کا انکشاف

لاہور (ڈیلی پاکستان آن لائن) معروف اداکارہ اور میزبان نادیہ خان نے ائیر وائس مارشل اورنگزیب احمد سے اپنے شوہر کے قریبی تعلق کا انکشاف کیا ہے۔

یہ بھی پڑھیں: گورنر ہاؤس کے دفتر کی بندش کا معاملہ؛ قائم مقام گورنر اویس قادر شاہ کی درخواست سماعت کے لیے منظور

پاکستان ائیر فورس کے ائیر وائس مارشل کی شہرت

حال ہی میں آپریشن بنیان مرصوص پر بریفنگز کے بعد پاکستان ائیر فورس کے ائیر وائس مارشل اورنگزیب احمد خبروں کی زینت بنے، اب ایک اور وجہ سے وہ سوشل میڈیا پر موضوع گفتگو ہیں جس کی وجہ ان کا اداکارہ نادیہ خان سے فیملی تعلق ہے۔

یہ بھی پڑھیں: سیلابی صورتحال سے کاروباری سرگرمیاں اور رئیل اسٹیٹ سیکٹر شدید متاثر، ٹیکس ریونیو پر منفی اثرات کا خدشہ

نادیہ خان کا صبح کے شو میں انکشاف

نادیہ خان نے نجی ٹی وی پر اپنے مارننگ شو میں انکشاف کیا کہ ائیر وائس مارشل اورنگزیب احمد، ان کے شوہر فیصل راؤ کے بھائیوں جیسے قریبی دوست اور ساتھی فائٹر پائلٹ ہیں۔

یہ بھی پڑھیں: سالمیت کو خطرہ ہوا، تو جوہری ہتھیار استعمال کرسکتے ہیں، روسی صدر کی امریکہ کو تنبیہ

ایک یادگار تصویر

نادیہ نے ایک پرانی تصویر بھی دکھائی جس میں فیصل راؤ اور اورنگزیب احمد 1989 میں کسی تفریحی مقام پر دیگر دوستوں کے ہمراہ ساتھ کھڑے ہیں۔

یہ بھی پڑھیں: پاکستان نے متحدہ عرب امارات کا قرض واپس کرنے کا فیصلہ کرلیا، نجی نیوز چینل کا دعویٰ

نادیہ کا شوہر اورنگزیب احمد کے بارے میں بیان

اداکارہ نے کہا کہ جب میری فیصل سے 2021 میں شادی ہوئی تو مجھے بتایا گیا کہ ان کے 3 بھائی ہیں مگر انہوں نے کہا کہ میرا ایک اور بھائی بھی ہے اورنگزیب جو ایک زبردست فائٹر پائلٹ ہے۔

یہ بھی پڑھیں: ایم کیو ایم نے فوری طورپر 28ویں ترمیم لانے کا مطالبہ کردیا

خوشگوار ملاقاتیں

نادیہ خان نے بتایا کہ وہ دونوں گھنٹوں فون پر بات کرتے تھے، پھر میں ان سے ملی، ان کی فیملی بہت شاندار ہے، ان کی بیوی ایک بااخلاق خاتون ہیں اور بچے بھی بہت تہذیب والے ہیں، ان کے گھر کی جلیبی نہ کھائی تو سمجھیں کچھ نہ کھایا۔

محب وطن شخصیت

ان کا کہنا تھا کہ اورنگزیب بھائی جب پہلی بار ملے تو صرف پاکستان کی بات کرتے رہے، وہ ایک نہایت ہی محب وطن شخصیت ہیں، فیصل ہمیشہ کہتے ہیں میں چاہتا ہوں کہ میرا بیٹا اورنگزیب جیسا بنے، میرے جیسا نہیں۔