28 مئی کو ملک بھر میں عام تعطیل کا اعلان

یومِ تکبیر کی تعطیل کا اعلان

اسلام آباد (ڈیلی پاکستان آن لائن) وفاقی حکومت نے یومِ تکبیر کے موقع پر 28 مئی کو ملک بھر میں عام تعطیل کا اعلان کر دیا ہے۔ یہ دن پاکستان کے ایٹمی قوت بننے کی یاد میں ہر سال منایا جاتا ہے۔

یہ بھی پڑھیں: واپڈا نے دریاؤں اور آبی ذخائر میں پانی کی آمد و اخراج کے اعدادوشمار جاری کر دیے

سرکاری اور نجی اداروں کی بندش

نجی ٹی وی چینل آج نیوز کے مطابق وفاقی حکومت نے گزشتہ سال 28 مئی کو عام تعطیلات کی فہرست میں شامل کیا تھا۔ یومِ تکبیر پر ملک بھر میں تمام سرکاری و نیم سرکاری دفاتر، تعلیمی ادارے، اور بیشتر نجی ادارے بند رہیں گے۔

یہ بھی پڑھیں: کراچی: سرجانی ٹاؤن میں گھر کی دیوار گرگئی، بچی جاں بحق، 7افراد زخمی

ایٹمی صلاحیت کا دن

یومِ تکبیر پاکستان کی ایٹمی صلاحیت کے مظہر کے طور پر منایا جاتا ہے، جب پاکستان نے 1998 میں کامیابی سے ایٹمی دھماکے کیے اور دنیا کی ساتویں اور اسلامی دنیا کی پہلی ایٹمی طاقت بن کر ابھرا۔

یہ بھی پڑھیں: بانی پی ٹی آئی کا 28 ستمبر کے مقدمے میں 5 روزہ جسمانی ریمانڈ منظور

خصوصی تقریبات

یومِ تکبیر کے موقع پر ملک بھر میں خصوصی تقریبات، سیمینارز اور ریلیاں بھی منعقد کی جائیں گی جن میں ایٹمی طاقت کے حصول میں کردار ادا کرنے والے قومی ہیروز کو خراجِ تحسین پیش کیا جائے گا۔

یہ بھی پڑھیں: لوئر دیر میں قومی کرکٹر نسیم شاہ کے حجرے پر فائرنگ، پولیس نے مقدمہ درج کر لیا

سندھ حکومت کا نوٹیفکیشن

سندھ حکومت کی جانب سے بھی جاری کردہ نوٹیفکیشن کے مطابق 28 مئی کو یوم تکبیر کے سلسلے میں صوبائی دفاتر، بلدیاتی کونسلز سمیت تمام سرکاری دفاتر بند رہیں گے۔

یہ بھی پڑھیں: روسی وزیر خارجہ کا وینزویلا کے نائب صدر سے فون، مضبوط یکجہتی کا اظہار

پاکستان اسٹاک ایکسچینج

یومِ تکبیر کے موقع پر پاکستان اسٹاک ایکسچینج کی جانب سے بھی 28 مئی کو عام تعطیل کا اعلان کیا گیا ہے جبکہ چیف مارکیٹ آپریشن نے تعطیل کا نوٹیفکیشن جاری کر دیا۔

تاریخی پس منظر

واضح رہے کہ پاکستان نے بھارت کے ایٹمی دھماکوں کا جواب 28 مئی 1998 کو صوبہ بلوچستان کے علاقے چاغی میں دھماکوں کے ذریعے دیا۔ 27 برس قبل ایٹمی دھماکوں کے بعد پاکستان نے مسلم دنیا کی پہلی جبکہ دنیا کی 7ویں ایٹمی طاقت بننے کا اعزاز حاصل کیا۔