کیا واقعی سلمان خان “کون بنے گا کروڑ پتی” میں امیتابھ بچن کی جگہ لیں گے؟ حقیقت سامنے آ گئی

سلمان خان کی ممکنہ میزبانی پر قیاس آرائیاں

ممبئی (ڈیلی پاکستان آن لائن) گزشتہ دنوں یہ خبریں گردش کر رہی تھیں کہ مشہور کوئز شو ’کون بنے گا کروڑ پتی‘ کے سترہویں سیزن میں امیتابھ بچن کی جگہ سلمان خان میزبان کے طور پر نظر آئیں گے۔ یہ بھی دعویٰ کیا گیا کہ سلمان خان اور شو کے منتظمین کے درمیان بات چیت جاری ہے، اور اگر سب کچھ طے پا گیا تو نئے میزبان کے طور پر ان کے نام کا اعلان کردیا جائے گا۔

یہ بھی پڑھیں: پی ایس ایکس میں کاروبار کا شاندار آغاز، انڈیکس ایک لاکھ 33 ہزار کی سطح عبور کرکے نئی بلندی پر پہنچ گیا

باضابطہ وضاحت کا اعلان

تاہم ان خبروں پر اب باضابطہ وضاحت سامنے آ گئی ہے۔ انڈیا ٹوڈے سے بات کرتے ہوئے سونی ٹی وی سے وابستہ ایک قریبی ذرائع نے ان تمام خبروں کو بے بنیاد اور جھوٹا قرار دیا ہے۔

یہ بھی پڑھیں: سیکیورٹی گیٹس، ڈرونز سے نگرانی، جلوس اور مجالس کے لیے صفائی کا خصوصی اہتمام، عزاداروں کی خدمت کا نیا ریکارڈ

امیتابھ بچن کی جگہ واری جانے کی قیاس آرائی

ذرائع کے مطابق نہ تو شو کے میزبان کی تبدیلی پر کوئی بات ہوئی ہے اور نہ ہی امیتابھ بچن کو ہٹانے کا کوئی ارادہ ہے۔ ذرائع نے مزید بتایا کہ ’کون بنے گا کروڑ پتی سیزن 17‘ کے پرومو کی شوٹنگ کی تیاری جاری ہے اور امیتابھ بچن اس میں شامل ہوں گے۔

شو کی شوٹنگ کا شیڈول

وہ شو کے پوسٹر اور پرومو ویڈیو میں بھی نظر آئیں گے جبکہ شو کی باقاعدہ شوٹنگ جولائی میں شروع ہوگی اور اسے اگست کے پہلے ہفتے میں نشر کیا جائے گا۔