پنجاب اور خیبر پختونخوا میں آج سے بارش کا امکان

ملک بھر میں گرمی کی شدت برقرار

لاہور (ویب ڈیسک) ملک بھر میں گرمی کی شدت برقرار ہے، تاہم محکمہ موسمیات نے آج سے پنجاب اور خیبر پختونخوا کے مختلف علاقوں میں بارش کی پیشگوئی کی ہے، جس سے موسم میں خوشگوار تبدیلی متوقع ہے۔

یہ بھی پڑھیں: صدر مملکت نے اسلام آباد ہائی کورٹ ججز کی سنیارٹی سے متعلق فیصلہ جاری کر دیا

محکمہ موسمیات کی پیشگوئی

آج نیوز کے مطابق محکمہ موسمیات نے بتایا ہے کہ مرطوب ہوائیں بالائی اور وسطی علاقوں میں داخل ہو چکی ہیں، آج مغربی ہواؤں کا نیا سسٹم بالائی علاقوں کو اپنی لپیٹ میں لے گا، جس سے مختلف علاقوں میں آندھی اور بارش کا امکان ہے۔

یہ بھی پڑھیں: خیبر پختونخوا حکومت نے انڈس ریور اور دریائے کابل کے کناروں پر غیر قانونی کان کنی اور پلَیسر گولڈ نکالنے پر دفعہ 144 کے تحت پابندی لگا دی

پی ڈی ایم اے کا الرٹ

پی ڈی ایم اے پنجاب نے آج رات اور کل کے لیے آندھی اور گرج چمک کے ساتھ بارش کا الرٹ جاری کر دیا ہے۔ الرٹ کے مطابق راولپنڈی، مری، گلیات، لاہور، میانوالی، ملتان اور بہاولپور میں بارش متوقع ہے۔

یہ بھی پڑھیں: ایرانی جارحیت کا جواب دینے کا حق محفوظ رکھتے ہیں، خلیج تعاون کونسل

خیبر پختونخوا میں بارش کا امکان

اسی طرح خیبر پختونخوا کے علاقوں چترال، دیر، سوات، مالاکنڈ، مانسہرہ، بٹگرام، شانگلہ اور کوہستان میں ہفتے کے روز بارش ہونے کا امکان ظاہر کیا گیا ہے۔

بارشوں کا سلسلہ جاری رہے گا

محکمہ موسمیات کا کہنا ہے کہ بارشوں کا یہ سلسلہ ہفتے کو بھی جاری رہے گا، جو گرمی کی شدت میں کمی کا باعث بنے گا۔