بلاول کی وزیراعظم سے ملاقات، اہم دارالحکومتوں میں پاکستانی مؤقف سامنے رکھنے کیلئے رہنمائی لی

وزیراعظم سے بلاول بھٹو زرداری کی ملاقات

اسلام آباد (ڈیلی پاکستان آن لائن) وزیراعظم شہباز شریف سے پاکستان پیپلزپارٹی کے چیئرمین بلاول بھٹو زرداری کی زیر قیادت وفد نے ملاقات کی ہے۔

یہ بھی پڑھیں: خیبر پختونخوا میں 3آپریشنز میں شہید ہونے والے سیکیورٹی فورسز کے 6جوانوں کے بارے میں اہم معلومات سامنے آگئیں

پاکستانی مؤقف کی عالمی سطح پر تشہیر

اعلامیے کے مطابق بلاول بھٹو زرداری نے دنیا کے اہم دارالحکومتوں میں پاکستانی مؤقف کو اجاگر کرنے کیلئے وزیراعظم سے رہنمائی لی۔

یہ بھی پڑھیں: کیا کوئی پارٹی خیبرپختونخوا میں جلسے کی ہمت کرے گی؟ سہولیات ملیں گی: بیرسٹر سیف

بھارتی جارحیت کے خلاف رہنمائی

اعلامیے میں کہا گیا ہے کہ بلاول بھٹو نے بھارتی جارحیت اور اشتعال انگیز ایجنڈے کو دنیا کے سامنے رکھنے سے متعلق وزیراعظم سے رہنمائی لی۔

یہ بھی پڑھیں: پی آئی اے کا ایک اور فضائی میزبان کینیڈا میں مبینہ طور پر غائب

وزیراعظم کا اظہار اطمینان

اعلامیے میں بتایا گیا کہ بلاول بھٹو نے قومی سفارتی کام سے متعلق اعتماد کرنے پر وزیراعظم کا شکریہ ادا کیا۔ اس موقع پر وزیراعظم شہباز شریف کا کہنا تھا کہ امید ہے آپ کی قیادت میں وفد پاکستان کا مؤقف بھرپور طریقے سے دنیا کے سامنے پیش کرے گا۔

یہ بھی پڑھیں: لاہور ہائیکورٹ کا ہفتے میں 4 دن کام کرنے کا فیصلہ، نوٹیفکیشن جاری

وفاقی حکومت کا اعلیٰ سطحی وفد تشکیل دینا

خیال رہے کہ گزشتہ دنوں وفاقی حکومت نے بھارتی پروپیگنڈے کے جواب میں عالمی سفارتی مہم کیلئے بلاول کی قیادت میں اعلیٰ سطح کا وفد تشکیل دیا ہے۔

یہ بھی پڑھیں: امریکی صدارتی انتخابات، ٹرمپ نے 232 اور کملا ہیرس نے 198 الیکٹورل ووٹ لے لئے

وفد میں شامل اہم شخصیات

وفد میں ڈاکٹر مصدق ملک، خرم دستگیر، شیری رحمان، حنا ربانی کھر، فیصل سبزواری، تہمینہ جنجوعہ اور جلیل عباس جیلانی بھی شامل ہیں۔

فروغِ پاکستانی مؤقف کی عالمی مہم

بلاول بھٹو کی قیادت میں وفد لندن، واشنگٹن، پیرس اور برسلز جائے گا اور خطے میں بھارت کے پروپیگنڈے اور خطے کے امن کو تباہ کرنے کی کوششوں کو بے نقاب کرے گا۔