سعودی عرب میں غیر قانونی حج کرنے والوں کے خلاف گرینڈ آپریشن، ڈرون کا استعمال بھی شروع

سعودی حج سیکیورٹی فورسز کا نیا منصوبہ

ریاض (آئی این پی) سعودی حج سیکیورٹی فورسز نے 2025 کے حج سیزن میں غیر قانونی طور پر حج کرنے والوں کے خلاف کارروائیاں مزید سخت کر دی ہیں۔

یہ بھی پڑھیں: ڈیرہ اسماعیل خان: سیکیورٹی فورسز کا خفیہ اطلاع پر آپریشن، 4 خوارج ہلاک، ایک جوان شہید

جدید ٹیکنالوجی کا استعمال

غیرملکی میڈیا رپورٹس کے مطابق جاری گرینڈ آپریشن میں اب جدید ٹیکنالوجی سے لیس ڈرون طیاروں کا استعمال بھی شروع کر دیا گیا ہے۔ یہ ڈرونز نہ صرف مکہ مکرمہ کے صحرائی اور مضافاتی علاقوں میں نقل و حرکت کی نگرانی کر رہے ہیں بلکہ حج کے انتظامی امور کو مزید موثر اور مربوط بنانے میں بھی مدد فراہم کر رہے ہیں۔

یہ بھی پڑھیں: ملیکا شراوت فرانسیسی بزنس مین سے بریک اپ پر خاموشی توڑ دی

گرفتاریوں اور قانونی کارروائیاں

سعودی حکام کے مطابق ان کی اولین ترجیح ہے کہ رواں برس بغیر اجازت یا ویزا کے حج کرنے والوں کی سرگرمیوں کو روکا جائے۔ اسی سلسلے میں روزانہ سینکڑوں افراد کو گرفتار کیا جا رہا ہے اور ان کے خلاف قانونی کارروائی بھی عمل میں لائی جا رہی ہے۔

سیکیورٹی کے اقدامات

حکام کا کہنا ہے کہ سیکیورٹی نظام کو ہر ممکن حد تک مضبوط کیا جا رہا ہے تاکہ حج کے مقدس فریضے کو منظم، پرامن اور قانونی دائرے میں مکمل کیا جا سکے۔