بھارتی کرکٹ بورڈ نے ٹیسٹ ٹیم کے لیے کپتان کا اعلان کردیا

بھارتی کرکٹ بورڈ کی نئی قیادت

ممبئی(آئی این پی) بھارتی کرکٹ بورڈ(بی سی سی آئی) نے 25 سالہ اوپننگ بیٹر شبمن گل کو بھارت کی ٹیسٹ ٹیم کا کپتان مقرر کر دیا۔

یہ بھی پڑھیں: پولیس اور رینجرز کی علی امین گنڈا پور کی گرفتاری کے لیے پی ہاﺅس میں داخلے کی کارروائی

روہت شرما کا ریٹائرمنٹ

شبمن گل سابق کپتان روہت شرما کی جگہ لیں گے جنہوں نے حال ہی میں ناقص کارکردگی کے بعد ٹیسٹ کرکٹ سے ریٹائرمنٹ کا اعلان کیا تھا۔ گل کی قیادت میں بھارت 20 جون سے انگلینڈ کے خلاف پانچ ٹیسٹ میچوں کی سیریز کا آغاز کرے گا، جو 27-2025 آئی سی سی ورلڈ ٹیسٹ چیمپئن شپ سائیکل کا حصہ ہے۔

یہ بھی پڑھیں: جنگ مسلط کرنے کی کوشش کی گئی تو اپنے سپہ سالار کی قیادت میں بھارت کو منہ توڑ جواب دیں گے: قومی یکجہتی کا نفرنس سے علماء کا خطاب

قیادت کا مقابلہ

روہت شرما اور ویرات کوہلی دونوں کے ٹیسٹ کرکٹ سے ریٹائر ہونے کے بعد ٹیم کی قیادت کے لیے شبمن گل اور جسپریت بمراہ کے درمیان مقابلہ تھا۔ تاہم، بمراہ کی ممکنہ عدم دستیابی اور گل کی مستقل کارکردگی کی بنیاد پر گل کو قیادت سونپی گئی۔ شبمن نے اس سے قبل پانچ ٹی 20 بین الاقوامی میچوں میں بھی بھارت کی قیادت کی ہے، جن میں سے چار میں فتح حاصل کی ہے۔ وہ انڈین پریمیئر لیگ میں گجرات ٹائٹنز کے کپتان بھی ہیں۔

یہ بھی پڑھیں: خیبر پختونخوا میں گورنر راج لگانے کی حمایت نہیں کرتے، مولانا فضل الرحمان کا بیان

گل کی کارکردگی

گل نے 21-2020 میں آسٹریلیا کے خلاف ایم سی جی میں اپنا ٹیسٹ ڈیبیو کیا تھا اور اب تک 32 ٹیسٹ میچوں میں 1893 رنز بنائے ہیں، جس میں پانچ سنچریاں شامل ہیں۔

نائب کپتان اور نئے کھلاڑی

علاوہ ازیں ریشبھ پنت کو ٹیسٹ ٹیم کا نائب کپتان مقرر کیا گیا ہے، جبکہ تجربہ کار فاسٹ بالر محمد شامی انجری کے باعث سکواڈ میں شامل نہیں ہیں۔ ٹیم میں نئے چہروں میں کرن نائر، سائی سدرشن، اور نیتیش کمار ریڈی شامل ہیں۔