شاهین آفریدی پی ایس ایل پلے آف مرحلے میں سب سے زیادہ میچز جیتنے والے کپتان بن گئے

شاہین شاہ آفریدی کی کامیابی

لاہور (آئی این پی) لاہور قلندرز کے کپتان شاہین شاہ آفریدی نے پی ایس ایل کے پلے آف مرحلے میں سب سے زیادہ میچز جیتنے کا اعزاز حاصل کر لیا ہے۔

یہ بھی پڑھیں: پی ایس ایل، کوئٹہ گلیڈی ایٹرز نے ملتان سلطانز کو شکست دے دی

فائنل کے لئے کوالیفکیشن

پی ایس ایل 10 کے ایلیمنیٹر 2 میں، گزشتہ روز لاہور قلندرز نے اسلام آباد یونائیٹڈ کو باآسانی شکست دے کر فائنل کے لئے کوالیفائی کر لیا۔ یہ شاہین آفریدی کی بطور کپتان پی ایس ایل کے پلے آف مرحلے میں چھٹی کامیابی تھی، جو کسی بھی کپتان کی اس مرحلے میں سب سے زیادہ کامیابیوں کے طور پر شمار کی جا رہی ہے۔

دیگر کپتانوں کی کامیابیاں

پشاور زلمی کے سابق کپتان ڈیرن سیمی، 5 کامیابیوں کے ساتھ اس فہرست میں دوسرے نمبر پر ہیں۔ سرفراز احمد (کوئٹہ گیڈی ایٹرز)، شاداب خان (اسلام آباد یونائیٹڈ) اور محمد رضوان (ملتان سلطانز)، 4،4 کامیابیوں کے ساتھ اس فہرست میں تیسرے نمبر پر ہیں۔