مودی کی جنگی جنونیت نے عبادت گاہوں کو بھی نہ چھوڑا
مودی کی جنگی جنونیت کے اثرات
لاہور (طیبہ بخاری سے) مودی کی جنگی جنونیت نے عبادت گاہوں کو بھی نہ چھوڑا، سکھ تنظیم MAAR کی عالمی عدالت میں دہائی، بھارت کے خلاف کارروائی کا مطالبہ کر دیا۔
یہ بھی پڑھیں: پنجاب کی جیلوں میں قیدیوں کے اہل خانہ کی سہولت کے لیے فری شٹل سروس کا آغاز
ڈورن حملے کی شکایت
تفصیلات کے مطابق سوئٹزرلینڈ کی سکھ تنظیم MAAR نے ننکانہ صاحب پر بھارتی ڈرون حملے کے خلاف آئی سی سی میں شکایت درج کرائی ہے۔ MAAR موومنٹ نے بھارتی فوج کے مبینہ ڈرون حملے پر عالمی فوجداری عدالت سے تحقیقات کا مطالبہ کیا ہے۔
یہ بھی پڑھیں: دریائے سندھ اور کابل کے بالائی علاقوں سمیت راولپنڈی، اسلام آباد میں بارش کی پیشگوئی
یاد دہانی
تنظیم نے کہا ہے کہ 7 اور 8 اپریل کی رات بھارت کا ننکانہ صاحب پر ڈرون حملہ پاکستانی افواج نے کامیابی سے پسپا کیا۔ سکھ تنظیم نے یاد دہانی کرائی کہ بھارت نے 1971ء میں کرتارپور صاحب پر بھی بم گرایا تھا۔
یہ بھی پڑھیں: بیرسٹر سیف نے بھارتی وزیر خارجہ کے بارے میں اپنے بیان کی وضاحت، سوشل میڈیا پر تنقید کے بعد
بین الاقوامی انسانی قوانین کی خلاف ورزی
سکھ تنظیم نے کہا ہے کہ مذہبی مقامات پر حملے بین الاقوامی انسانی قوانین کی خلاف ورزی ہیں، ننکانہ صاحب پر حملہ سکھ برادری کی مذہبی آزادی پر حملہ ہے۔ بھارت سکھوں کے مقدس مقامات کو نشانہ بنا کر عالمی قوانین کی دھجیاں اڑا رہا ہے، مقدس مذہبی و ثقافتی مقامات کا ہر حال میں تحفظ لازم ہے، خصوصاً سیاسی یا عسکری کشیدگی کے دوران۔
