جہلم میں تیز آندھی سے تباہی، دیواریں، چھتیں گرنے سے 3 افراد جاں بحق
شدید آندھی کی تباہی
جہلم(ڈیلی پاکستان آن لائن) پنجاب کے ضلع جہلم اور اس کے گرد و نواح میں شدید آندھی اور تیز ہواؤں نے تباہی مچادی ہے۔ مختلف علاقوں میں دیواریں، درخت، اور گھروں کی چھتیں گرنے کے نتیجے میں خاتون سمیت کم از کم 3 افراد جان کی بازی ہار گئے جبکہ 10 سے زائد افراد زخمی ہو گئے۔
یہ بھی پڑھیں: ایسی حالت میں سیکنڈ ہینڈ گاڑی نہیں ملتی تھی، ہم نئی ڈبل کیبن لے رہے ہیں۔ JAC T9 کے مقابلے میں ایسوزو نے D-Max لانچ کر دیا
جان لیوا حادثات کی تفصیلات
گل افشاں کالونی میں ایک نوجوان درخت گرنے کے باعث جاں بحق ہوا، جبکہ ویسٹ کالونی میں ایک مکان کی چھت گرنے کے سبب ایک خاتون زندگی سے ہاتھ دھو بیٹھی۔ اسی طرح ڈھوک وہاب دین میں ہوٹل کی دیوار گرنے سے ایک ویٹر بھی جان کی بازی ہار گیا۔
یہ بھی پڑھیں: ایلون مسک نے گھٹنے ٹیک دیے، ٹرمپ کے خلاف حد سے آگے نکلنے کا اعتراف
زخمیوں کی تعداد اور متاثرہ مقامات
دینہ میں مویشی منڈی کے قریب دیوار گرنے کا واقعہ پیش آیا، جس میں 3 افراد شدید زخمی ہوئے۔ پنڈدادخان میں بھی ایک مکان کی چھت گرنے سے 4 افراد زخمی ہوئے۔ تیز آندھی کی وجہ سے شہر کے مختلف علاقوں میں کئی گھروں کی چھتوں پر نصب سولر پلیٹس، ہورڈنگ بورڈز، اور دیگر سامان زمین بوس ہو گیا۔
گاڑیوں اور موٹر سائیکلوں کو نقصان
متعدد گاڑیاں اور موٹر سائیکلیں بھی متاثر ہوئیں، جنہیں گرنے والے درختوں اور بورڈز نے نقصان پہنچایا۔
