وزیراعلیٰ سے ایتھلیٹ مونا خان کی ملاقات، پنجاب حکومت خواتین کھلاڑیوں کو آگے بڑھنے کے مساوی مواقع فراہم کررہی ہے:مریم نواز

ملاقات کی تفصیلات

لاہور (ڈیلی پاکستان آن لائن) وزیراعلیٰ پنجاب مریم نواز سے ایتھلیٹ، جرنلسٹ مونا خان اور کوچ محمد یوسف نے ملاقات کی۔ ایتھلیٹ مونا خان کو 42.2 کلو میٹر طویل لندن میراتھن 2025 کو مکمل کرنے کا اعزاز حاصل ہے۔ مونا خان اور کوچ محمد یوسف نے وزیراعلیٰ مریم نواز کو گولڈ میڈل پیش کیا۔ وزیراعلیٰ مریم نواز نے مونا خان اور محمد یوسف کو پانچ، پانچ لاکھ روپے کے چیک دیے۔ اس موقع پر مونا خان نے اپنی درخواست پر ٹی شرٹ پر دستخط کروائے۔

یہ بھی پڑھیں: اداکاری میں کوئی کیرئیر نہیں، اداکارہ غنیٰ علی

خصوصی تحائف اور مبارکباد

مونا خان نے وزیر اعلیٰ مریم نواز کو سندھ کی اجرک پہنائی اور ایک پنسل سکیچ پیش کیا۔ وزیراعلیٰ مریم نواز نے مونا خان اور ان کے کوچ محمد یوسف کو مبارکباد دی۔ مونا خان اور محمد یوسف نے وزیراعلیٰ مریم نواز کا شکریہ ادا کیا۔

یہ بھی پڑھیں: لاہور پولیس کا خواتین پر بھی تھانے میں تشدد کا انکشاف، باوردی اہلکار نے ہی بھانڈا پھوڑ دیا

نوجوانوں کے لیے مواقع

وزیراعلیٰ مریم نواز نے اس موقع پر گفتگو کرتے ہوئے کہا کہ پنجاب حکومت خواتین کھلاڑیوں کو آگے بڑھنے کے مساوی مواقع فراہم کر رہی ہے۔ پاکستان کے ایتھلیٹس اور کھلاڑی دنیا بھر کے میدانوں میں بہترین کارکردگی کا مظاہرہ کر رہے ہیں۔ پنجاب میں کھیلوں کے فروغ کے لیے 'کھیلتا پنجاب' پروگرام شروع کیا گیا ہے۔ حکومت پنجاب ہر ممکن اقدامات کر رہی ہے تاکہ نوجوانوں کو کھیلوں کے میدانوں کی طرف لایا جا سکے۔

یہ بھی پڑھیں: جماعت اسلامی نے پی ٹی آئی کے احتجاج کے حق کی حمایت کر دی

پنک گیمز کی کامیابی

صوبے میں منعقدہ پہلی پنک گیمز میں 1300 خواتین پلیئرز نے شرکت کر کے ریکارڈ قائم کیا۔ پنک گیمز کی انعامی رقم 50 لاکھ روپے سے بڑھا کر ایک کروڑ روپے کر دی گئی ہے۔ حکومت خواتین کھلاڑیوں اور ایتھلیٹس کو اپنی صلاحیتوں کے اظہار کے لیے سازگار ماحول فراہم کرے گی۔

یہ بھی پڑھیں: بھارت نے پاکستان سے مار کھائی اور انگلی چین پر اٹھارہا ہے: مصدق ملک

مونا خان کی رائے

ایتھلیٹ، جرنلسٹ مونا خان نے کہا کہ "پنجاب کی بیٹی نے سندھ کی بیٹی کو بے مثال عزت دی ہے۔ میں اپنا میڈل وزیراعلیٰ مریم نواز سے منسوب کرتی ہوں۔ مریم نواز بہت اچھی وزیر اعلیٰ تو ہیں ہی، شاندار خاتون بھی ہیں۔" انہوں نے مزید کہا کہ "پاکستانی خواتین بہت بہادر ہیں۔"