کرپشن کے الزامات: گنڈاپور نے اپوزیشن لیڈر کے پی اسمبلی کو 1ارب روپے ہرجانے کا نوٹس بھجوادیا

قانونی نوٹس کا اجراء

پشاور (ڈیلی پاکستان آن لائن) وزیراعلیٰ خیبرپختونخوا علی امین گنڈاپور نے اپوزیشن لیڈر کے پی اسمبلی عباد اللہ کے خلاف ساکھ کو نقصان پہنچانے کے الزام میں ایک ارب روپے ہرجانے کا قانونی نوٹس بھیج دیا ہے۔

یہ بھی پڑھیں: لاہور ہائیکورٹ: قتل کے مقدمے میں 100 سال سزا پانے والے مجرم کی اپیل خارج

اجلاس کی تفصیلات

نجی ٹی وی جیو نیوز کے مطابق اپوزیشن لیڈر عباد اللہ نے ایک بیان دیا تھا جس میں انہوں نے وزیراعلیٰ علی امین گنڈاپور کوہستان کرپشن اسکینڈل کا مرکزی کردار قرار دیا تھا۔

یہ بھی پڑھیں: ستھرا پنجاب منصوبہ کامیابی سے ہمکنار، صوبے میں صفائی کا نیا معیار قائم، عوام میں پذیرائی

مالی بدعنوانی کا انکشاف

رواں برس اپریل میں یہ خبر سامنے آئی تھی کہ خیبرپختونخوا کے سرکاری بینک اکاؤنٹس سے 40 ارب روپے سے زائد کی خوردبرد اور مالی بدعنوانی کا انکشاف ہوا ہے اور یہ رقم مسلسل بڑھ رہی ہے۔

یہ بھی پڑھیں: نومبر کے لیے ایل این جی مہنگی، قیمت میں 0.22 ڈالر فی ایم ایم بی ٹی یو تک اضافہ کر دیا گیا

مالیاتی اسکینڈل کی وسعت

یہ اسکینڈل پاکستان کی تاریخ کے سب سے بڑے مالیاتی اسکینڈلز میں سے ایک قرار دیا گیا ہے۔ اس سلسلے میں 50 کے قریب بینک اکاؤنٹس منجمد کردیے گئے ہیں اور تحقیقات کا دائرہ وسیع کردیا گیا ہے۔

تحقیقات میں پیش رفت

ابتدائی تحقیقات میں یہ بات بھی سامنے آئی ہے کہ ضلع کے سرکاری اکاؤنٹس سے تقریباً ایک ہزار جعلی چیکس جاری کیے گئے تھے، اور اب تک 50 مشتبہ اکاؤنٹ ہولڈرز کی نشاندہی ہو چکی ہے۔ شواہد سے معلوم ہوتا ہے کہ اس میں بااثر سیاسی اور اعلیٰ سرکاری شخصیات کی شمولیت کے واضح آثار موجود ہیں۔