عدالت نے اداکارہ نادیہ حسین کے شوہر کی درخواست ضمانت پر فیصلہ سنا دیا

عاطف محمد خان کی ضمانت کی درخواست مسترد

لاہور (ڈیلی پاکستان آن لائن) پاکستانی شوبز انڈسٹری کی معروف ماڈل و اداکارہ نادیہ حسین کے شوہر عاطف محمد خان کی جانب سے فراڈ اور غبن کے الزامات میں پولیس کی جانب سے کی جانے والی گرفتاری پر مقامی عدالت نے ضمانت بعد از گرفتاری کی درخواست مسترد کردی ہے۔

یہ بھی پڑھیں: دفتر سے 15 لاکھ روپے کی چوری کا ڈراپ سین؛ آفس بوائے ہی ماسٹر مائنڈ نکلا

درخواست کی تفصیلات

رپورٹ کے مطابق عاطف محمد خان نے اپنے وکلاء کے توسط سے ایڈیشنل ڈسٹرکٹ اینڈ سیشن جج (جنوبی) احسان ملک کی عدالت میں درخواست دائر کی تھی۔ سماعت کے دوران عاطف محمد خان کے وکلاء نے عدالت کو بتایا کہ وفاقی تحقیقاتی ادارہ (ایف آئی اے) ان کے موکل کے خلاف الزامات کے شواہد پیش کرنے میں ناکام رہا ہے اور ایف آئی اے نے آڈٹ رپورٹس بھی فراہم نہیں کیں۔

یہ بھی پڑھیں: ایچی سن کالج میں جونیئر نیشنل ٹینس چیمپئن شپ 2025 کا شاندار آغاز

وکلاء کے دلائل

وکلاء کے مطابق روایتی تفتیش میں ان اکاؤنٹس کے آڈٹ کا کوئی ذکر نہیں کیا گیا جن سے متعلق ان کے موکل پر الزامات عائد کیے گئے ہیں۔

یہ بھی پڑھیں: پانی کا ضیاع تشویشناک حد تک بڑھ چکا ، آبی مسائل سے نمٹنے کیلیے فوری اقدامات نہ کیے گئے تو ۔۔۔؟ ماہرین نے خطرات سے آگاہ کر دیا

بینک کی جانب سے مخالفت

دوسری جانب نجی بینک کے وکلاء نے عاطف محمد خان کی درخواست ضمانت کی شدید مخالفت کرتے ہوئے عدالت کو بتایا کہ ملزم کمپنی کے چیف ایگزیکٹو افسر (سی ای او) تھے اور وہ کرپشن اور فراڈ میں ملوث ہیں اور انہوں نے کمپنی کے پیسے کو ذاتی کاروبار میں بھی استعمال کیا۔ عدالت نے دونوں فریقین کے وکلاء کے دلائل سننے کے بعد نادیہ حسین کے شوہر عاطف محمد خان کی درخواست ضمانت مسترد کر دی۔

یہ بھی پڑھیں: مسئلہ کشمیر کا اقوامِ متحدہ کی قراردادوں کے مطابق حل چاہتے ہیں، اسحاق ڈار کا او آئی سی رابطہ گروپ کے اجلاس سے خطاب

گرفتاری کی وجہ

واضح رہے کہ نجی بینک سیکیورٹیز میں 64 کروڑ روپے کی خرد برد کا معاملہ سامنے آنے پر ایف آئی اے کارپوریٹ کرائم سرکل کراچی نے سابق سی ای او اور نادیہ حسین کے شوہر عاطف محمد خان کو 08 مارچ 2025 کو گرفتار کرلیا تھا۔