گزشتہ روز آندھی اور طوفان سے ہونے والے نقصانات کی تفصیلات سامنے آ گئیں

آندھی اور طوفانی بارش کے نقصانات

لاہور (ڈیلی پاکستان آن لائن) گزشتہ روز پنجاب کے مختلف حصوں میں آنے والی آندھی اور طوفانی بارش سے ہونے والے نقصانات کی تفصیلات سامنے آگئیں ہیں۔

یہ بھی پڑھیں: Important News for Students: End of Numbers and Positions, New Grading Policy Approved

حادثات کی تفصیلات

پنجاب ایمرجنسی سروسز ڈپارٹمنٹ کی جانب سے جاری رپورٹ کے مطابق پنجاب بھر میں 221 حادثات میں 12 افراد جاں بحق ہوئے، 43 افراد کو طبی امداد دی گئی جبکہ 98 افراد کو اسپتالوں میں منتقل کیا گیا۔

رپورٹ کے مطابق حادثات میں مجموعی طور پر 153 افراد زخمی ہوئے، روڈ ٹریفک کے 2 دیواریں اور چھتیں گرنے کے 61 واقعات رپورٹ ہوئے، آگ لگنے کے 96، آسمانی بجلی گرنے کے 4 واقعات، الیکٹرک پولز، سولر سسٹم، درخت گرنے اور سائن بورڈ گرنے کے 40 واقعات رپورٹ ہوئے۔

یہ بھی پڑھیں: ہر طرف سناٹا چھایا ہوا تھا، ٹریفک بھی نہ ہونے کے برابر تھی، کبھی کبھار کسی بھاگتے ہوئے گھوڑے کی ٹاپوں کی آواز سنائی دے جاتی تھی، سارا شہر سو رہا تھا.

تیز ہواؤں کے اثرات

رپورٹ میں بتایا گیا کہ تیز ہواؤں کے باعث اونچائی سے گرنے کے 7 واقعات رپورٹ ہوئے۔

یہ بھی پڑھیں: وفاقی حکومت نے 27ویں آئینی ترمیم کے لیے قانونی مسودے کا خاکہ تیار کرلیا

راولپنڈی میں حادثات

راولپنڈی میں 14 حادثات میں 13 افراد زخمی ہوئے، موسلادھار بارش اور تیز ہواؤں کے باعث ایک شخص جاں بحق ہوا جب کہ روڈ ٹریفک کا ایک حادثہ اور دیواریں گرنے کے 8 واقعات رپورٹ ہوئے۔

وزیر اعلیٰ کی ہدایتیں

وزیر اعلیٰ پنجاب مریم نواز نے آندھی اور بارش کے سبب حادثات میں قیمتی انسانی جانوں کے ضیاع پر افسوس کا اظہار کیا ہے۔ انہوں نے سوگوار خاندانوں سے اظہار ہمدردی و تعزیت کی اور زخمی افراد کو فوری اور بہترین طبی امداد فراہم کرنے کی ہدایت کی۔

وزیر اعلیٰ پنجاب نے ریسکیو 1122، پی ڈی ایم اے اور ضلعی انتظامیہ کو امدادی سرگرمیاں تیز کرنے کی ہدایت کیں اور پی ڈی ایم اے کو نقصانات کی تفصیلی رپورٹ پیش کرنے کا حکم دیا۔ مریم نواز نے کہا کہ حکومت غم کی اس گھڑی میں متاثرہ خاندانوں کے ساتھ ہے۔