ایرانی شخص نے جسم پر 96 چمچ کو بیلنس کرنے کا عالمی ریکارڈ قائم کردیا

نئے عالمی ریکارڈ کا قیام

تہران (ڈیلی پاکستان آن لائن) کچھ منفرد کرنے کے خواہش مند ایرانی شخص نے اپنے جسم پر سب سے زیادہ چمچ کو بیلنس کرنے کا نیا عالمی ریکارڈ قائم کرلیا۔

یہ بھی پڑھیں: اسلام آباد خودکش حملے کے بعد امریکا کا پاکستان کیلئے نیا سکیورٹی الرٹ جاری

ابوالفضل صابر مختاری کی کامیابی

نجی ٹی وی جیو نیوز کے مطابق گنیز ورلڈ ریکارڈز کی جانب سے بتایا گیا ہے کہ ایرانی شخص کا نام ابوالفضل صابر مختاری ہے جنہوں نے اپنے جسم پر 96 چمچ کا توازن برقرار رکھ کر ایک بار پھر عالمی توجہ حاصل کرلی۔

یہ بھی پڑھیں: عالمی منڈی میں ایک بار پھر تیل کی قیمتیں بلند سطح پر پہنچ گئیں۔

پچھلے ریکارڈز

گنیز ورلڈ ریکارڈز نے بتایا کہ ایرانی شخص نے اس سے قبل 2023 میں 88 چمچ کو بیلنس کیا تھا جبکہ انہوں نے 2021 میں 85 چمچوں کا توازن برقرار رکھ کر ریکارڈ بنایا تھا اور یوں انہوں نے 2 بار اپنے ہی ریکارڈ توڑتے ہوئے تیسری بار نیا ریکارڈ قائم کیا ہے۔

یہ بھی پڑھیں: انسانی ذہن بہت ترقی کر گیا ہے، پرانے کھیل اور فارمولے دھرانے آسان نہیں ہیں، سلام ان پر بھی جو جان تو ہار گئے مگر انہوں نے سچ کا ساتھ نہ چھوڑا

منفرد ٹیلنٹ کا احساس

ابوالفضل صابر مختاری نے انٹرویو دیتے ہوئے بتایا کہ انہیں اپنے اس منفرد ٹیلنٹ کا اندازہ بچپن میں ہوا تھا تاہم بہت محبت اور کوششوں کے بعد وہ یہ ریکارڈ بنانے میں کامیاب ہو سکے ہیں۔

توانائی کی منتقلی کی صلاحیت

انہوں نے مزید کہا کہ میں اپنے جسم سے کوئی بھی چیز مثلاً پلاسٹک، شیشہ، پھل، پتھر، لکڑی اور یہاں تک کہ ایک مکمل انسان کو بھی چپکا سکتا ہوں۔ ابوالفضل کا خیال ہے کہ وہ اپنے جسم سے توانائی کو کسی چیز میں منتقل کرنے کی صلاحیت بھی رکھتے ہیں۔