پاکستان کا زائد بجلی کو نئی معیشت میں تبدیل کرنے کا فیصلہ

پاکستان کی توانائی کی نئی راہ

اسلام آباد (ڈیلی پاکستان آن لائن) پاکستان نے ٹیکنالوجی کی دنیا میں قدم رکھتے ہوئے زائد بجلی کو نئی معیشت میں تبدیل کرنے کا فیصلہ کر لیا ہے۔

یہ بھی پڑھیں: پاکستان سوشل سینٹر شارجہ میں متحدہ عرب امارات کا 54 واں عید الاتحاد تزک و احتشام کے ساتھ منایا گیا

ڈیجیٹل کرنسی کی پیداوار

نجی ٹی وی دنیانیوز کے مطابق 2000 میگاواٹ بجلی اب صرف روشنی نہیں بلکہ ڈیجیٹل کرنسی پیدا کرے گی۔ حکومت کا عزم ہے کہ توانائی کو ضائع ہونے کے بجائے قومی ترقی کا ذریعہ بنایا جائے۔ کرپٹو مائننگ اور AI سینٹرز کے ذریعے پاکستان ڈیجیٹل انقلاب کی طرف گامزن ہو چکا ہے۔

یہ بھی پڑھیں: کیا آپ چاہتے ہیں 26ویں ترمیم کیس کے فیصلے کے بعد یہ کیس سنیں؟ جسٹس امین الدین کا وکیل حامد خان سے مکالمہ

نوجوانوں کے لیے مواقع

منصوبہ نہ صرف معیشت کو فروغ دے گا بلکہ نوجوانوں کو ہائی ٹیک روزگار بھی فراہم کرے گا۔ پاکستان کرپٹو کونسل کی سرپرستی میں ملک ایک نئی ڈیجیٹل معیشت کی بنیاد رکھ رہا ہے۔ زائد بجلی کو معاشی طاقت میں بدلنے کا یہ منصوبہ دنیا بھر کی توجہ کا مرکز بنے گا۔

یہ بھی پڑھیں: آپ دوسروں کے بغیر کچھ بھی نہیں، وہ رویہ اپنائیں جس میں اپنے آپ پر اعتماد، یقین، بھروسے اور صلاحیت کے استعمال میں مہارت کا اظہار ہو۔

بٹ کوائن مائننگ کے فوائد

دوسری جانب بٹ کوائن مائننگ سے پاکستان کو اربوں روپے کی آمدنی کی امید ہے۔ حکومت نے نئی ٹیکنالوجی اپنانے کا جرأت مندانہ فیصلہ کر لیا ہے۔ پاکستان اب نہ صرف توانائی پیدا کرے گا بلکہ ڈیجیٹل اثاثے بھی بنائے گا، یہ منصوبہ ٹیکنالوجی کے ذریعے قومی خود انحصاری کی راہ ہموار کرے گا۔

اے آئی ڈیٹا سینٹرز کا قیام

علاوہ ازیں اے آئی ڈیٹا سینٹرز کا قیام پاکستان کو عالمی ڈیجیٹل مارکیٹ سے جوڑ دے گا۔ ملکی توانائی کو کرپٹو کرنسی میں تبدیل کر کے معیشت کو نئی سمت دی جا رہی ہے۔ یہ قدم پاکستان کو جنوبی ایشیا کے ڈیجیٹل حب میں تبدیل کر سکتا ہے۔ حکومتی ویژن واضح ہے کہ بجلی، ٹیکنالوجی، اور سرمایہ کاری کو ایک ساتھ آگے لے جانا ہے۔