مورو احتجاج میں شرپسند افراد شامل تھے جن کے پاس دھماکا خیز مواد موجود تھا، شرجیل میمن

کراچی میں احتجاج کے واقعات

کراچی (ڈیلی پاکستان آن لائن) سندھ کے سینئر وزیر شرجیل انعام میمن نے کہا ہے کہ مورو احتجاج میں مظاہرین کے ساتھ شرپسند افراد بھی شامل تھے جن کے پاس دھماکا خیز مواد بھی تھا۔ صوبائی وزیرداخلہ کے گھر کو بھی شرپسندوں نے آگ لگائی، انہوں نے پولیس پر فائرنگ اور پتھراؤ کیا، گولیاں لگنے سے 2 افراد جاں بحق اور 8 زخمی ہوئے۔

یہ بھی پڑھیں: آغاجانی کاوائس چانسلر گرو نانک یونیورسٹی ننکانہ صاحب کے اعزاز میں عشائیہ

شرجیل میمن کا بیان

ڈان نیوز کے مطابق کراچی میں پریس کانفرنس کے دوران وزیر اطلاعات سندھ شرجیل میمن کا کہنا تھا کہ 20 مئی کو جیے سندھ متحدہ محاذ (جسمم) نے مورو بائی پاس پر احتجاج کی کال دی، جسمم کا سربراہ شفیع برفت ملک سے باہر بیٹھا ہے اور یہ گروپ ٹرین دھماکوں اور غیر ملکیوں پر حملوں میں بھی ملوث رہا ہے۔

یہ بھی پڑھیں: سی ای او کے الیکٹرک مونس علوی کو عہدے سے ہٹانے کا فیصلہ معطل

احتجاج میں غیر مقامی افراد شامل

شرجیل میمن نے کہا کہ احتجاج میں مظاہرین کے ساتھ ڈنڈا بردار اور شرپسند افراد شامل تھے، مظاہرے میں غیر مقامی افراد بھی شامل تھے اور ان کے پاس جدید اسلحہ موجود تھا۔

یہ بھی پڑھیں: خالد مقبول صدیقی ناراض، حکومت چھوڑنے کا اشارہ دیدیا

پولیس کی کوششیں

شرجیل میمن کا کہنا تھا کہ پولیس کی کوشش تھی کہ احتجاج پرامن طور پر ختم ہو جائے لیکن شرپسند افراد نے پولیس پر حملہ اور فائرنگ کی، جو اہلکار ڈیوٹی کر رہے تھے ان کو مارا پیٹا گیا جس سے کئی اہلکار زخمی ہوئے، حالانکہ پولیس نے کسی قسم کا لاٹھی چارج نہیں کیا تھا۔

یہ بھی پڑھیں: منی پور میں پھر ہنگامے

جاں بحق اور زخمی افراد

انہوں نے کہا کہ مورو میں شرپسند افراد کی ہنگامہ آرائی سے 8 افراد زخمی ہوئے، مورو احتجاج میں جاں بحق ہونے والے 2 افراد کو مظاہرین کی گولیاں لگی تھیں۔

یہ بھی پڑھیں: ثانیہ مرزا کی فیملی میں نئے ممبر کا اضافہ، بیٹے اذہان کے ساتھ تصویر وائرل

ہسپتال میں توڑ پھوڑ

ان کا کہنا تھا کہ مظاہرے کے دوران زخمی ہونے والے افراد کو جب ہسپتال لے جایا گیا تو انہوں نے وہاں بھی توڑ پھوڑ کی اور انہوں نے ان لاشوں پر بھی سیاست کی اور جھوٹا بیانیہ بنایا کہ پولیس میتیں اہلخانہ کے حوالے نہیں کررہی ہیں، حالانکہ ایسا کچھ نہیں تھا، مظاہرین نے خود کہا کہ مطالبات منظور ہونے تک لاشیں وصول نہیں کریں گے۔

یہ بھی پڑھیں: امریکا میں سیاسی سمت کی تبدیلی، کیا دنیا ایک نئے توازن کی طرف بڑھ رہی ہے؟ علی حیدر زیدی

ویڈیوز کی نمائش

وزیر اطلاعات سندھ نے نیوز کانفرنس میں مظاہرین کی جانب سے تشدد کی ویڈیوز بھی چلائی گئیں جن میں مختلف گاڑیوں کو اور لنجار ہاؤس کو آگ لگاتے ہوئے بھی دکھایا گیا۔

یہ بھی پڑھیں: بنوں میں شہید ہونیوالے 12سیکیورٹی اہلکاروں کے حوالے سے اہم معلومات سامنے آ گئیں

دھماکا خیز مواد اور خطرات

ان کا کہنا تھا کہ ان عناصر کے پاس کچھ ایسے لوگ تھے جن کے پاس دھماکہ خیز مواد موجود تھا جو ان کے بیگ پیک میں موجود تھے اور ان میں سے اکثر لوگوں نے اپنے چہرے چھپائے ہوئے تھے، احتجاج میں منہ کوں ڈھانپ کر آتا ہے؟

یہ بھی پڑھیں: صدر ولادیمیر پیوٹن سے دو گھنٹے طویل کال مکمل، روس اور یوکرین فوری جنگ بندی پر مذاکرات کا آغاز کریں گے: امریکی صدر کا اعلان

دیگر زبانوں کا استعمال

انہوں نے کہا کہ ان میں ایسے لوگ بھی تھے جو سندھی یا سرائیکی میں بھی بات نہیں کررہے تھے بلکہ وہ کوئی اور زبان استعمال کررہے تھے جب کہ نقاب پوش مظاہرین نے کیمیکل کے ذریعے لنجار ہاؤس کو آگ لگائی۔

یہ بھی پڑھیں: اسلام آباد سمیت مختلف علاقوں میں گرج چمک کے ساتھ بارش کی پیشگوئی

کیمیائی مواد کی شدت

سینئر وزیر کا کہنا تھا کہ اسی بیک میں ان کے پاس جو مواد تھا، اس سے انہوں نے آئل ٹینکرز کو بھی آگ لگائی اور وزیر داخلہ سندھ ضیا الحسن لنجار کے گھر کو بھی آگ لگائی، وہ کیمکل ایسا تھا چند منٹوں میں دیواروں پر بھی آگ لگ گئی، حالانکہ دیواروں پر کبھی آگ نہیں لگتی۔

احتجاج کے نتیجے میں جھڑپیں

واضح رہے کہ سندھ میں کینالز کی تعمیر کے خلاف احتجاج کے دوران صوبائی وزیر داخلہ ضیا لنجار کے آبائی ضلع نوشہرو فیروز کے شہر مورو میں جھڑپوں کے دوران 2 افراد جاں بحق، ڈی ایس پی اور 6 پولیس اہلکاروں سمیت ایک درجن سے زائد افراد زخمی ہوگئے تھے۔ مظاہرین نے وزیر داخلہ سندھ ضیا الحسن لنجار کے گھر پر بھی حملہ کیا، مورو بائی پاس روڈ پر 2 ٹریلرز کو بھی نشانہ بنایا۔