ذیابیطس ٹائپ ون میں مبتلا کمسن بچوں کے لیے مفت انسولین، وزیراعلیٰ مریم نواز نے ’’انسولین کارڈ‘‘ لانچ کر دیا، ایک بچے کو گھر جا کر کارڈ دیا۔
وزیراعلیٰ پنجاب کا منفرد پروگرام
لاہور (ڈیلی پاکستان آن لائن) وزیراعلیٰ پنجاب مریم نواز نے پیدائشی یا کمسنی میں ذیابیطس ٹائپ ون میں مبتلا مریض بچوں کے لیے "سی ایم انسولین برائے ذیابیطس" کے منفرد پروگرام کا آغاز کر دیا ہے۔ وزیراعلیٰ مریم نواز نے خود جا کر "سی ایم انسولین کارڈ" پروگرام لانچ کیا۔
یہ بھی پڑھیں: دوست طالبعلموں پر مشتمل ”پھینٹی گروپ“ تشکیل دیا جس کاکام لڑکیوں کو چھیڑنے والے افراد کو پھینٹی لگانا تھا، ایک طاقتور رکن کا نام ”جِن“ رکھا ہوا تھا.
انسولین کارڈ کی تقسیم
وزیر اعلیٰ مریم پاکستان پوسٹ کے رائیڈرز کے ہمراہ خود انسولین کارڈ لے کر کمسن بچوں کے گھروں میں پہنچ گئیں۔ وزیراعلیٰ نے سبزہ زار کیو بلاک کے واسع عدنان کو گھر جا کر انسولین کارڈ دیا۔ وزیر اعلیٰ مریم نواز نے جمیل ٹاؤن جا کر زینب وحید اور زین شہزاد کو بھی "سی ایم انسولین کارڈ" دیا۔
یہ بھی پڑھیں: سیکرٹری سپورٹس اینڈ یوتھ افیئرز پنجاب مظفرخان سیال کی صدارت میں چیف منسٹر پنجاب انٹرن شپ پروگرام کے حوالے سے اہم اجلاس
خاندان کے ساتھ ملاقات
وزیر اعلیٰ مریم نواز نے کمسن واسع عدنان کی دادی سے گلے ملیں اور دیگر اہل خانہ سے بھی سلام لیا۔ وزیر اعلیٰ نے کمسن مریض واسع عدنان کا گال تھپتھپایا اور کہا کہ آپ بالکل اینجل لگتے ہو۔ 3 بہن بھائیوں میں سب سے چھوٹا واسع پیدائشی طور پر ذیابیطس کا شکار ہے۔ وزیر اعلیٰ نے 5 سالہ واسع عدنان کو کار بھیجوانے کا وعدہ بھی کیا۔
یہ بھی پڑھیں: روسی صدر سے ملاقات 15 اگست کو الاسکا میں ہو گی : ڈونلڈ ٹرمپ
عوامی استقبال
وزیر اعلیٰ مریم نواز کی آمد پر چھتوں اور گلیوں کے اطراف میں عوام کا ہجوم امڈ آیا۔ بچیوں نے پر پھول نچھاور کیے اور ان کا خیر مقدم کیا۔ وزیر اعلیٰ نے بچیوں کی درخواست پر تصاویر بھی بنوائیں۔ بزرگ خواتین نے وزیر اعلیٰ کو دعائیں دیتے ہوئے کہا کہ اپنے بیٹی کے انتظار میں صبح سے کھڑی ہیں، اللہ تعالیٰ آپ کو بلندیوں پر لیجائے۔
یہ بھی پڑھیں: 5 آئی پی پیز کیساتھ معاہدے ختم کر رہے ہیں، عوام کو سالانہ 60 ارب روپے کا فائدہ ہوگا: وزیراعظم
پروگرام کی اہمیت
وزیراعلیٰ مریم نواز نے اہل خانہ سے گفتگو کرتے ہوئے کہا کہ جتنی آپ کو اپنے بچوں کی فکر ہے اس سے کہیں زیادہ مجھے آپ کے بچوں کی فکر ہے۔ ذیابیطس مبتلا بچوں کی تکلیف اور پریشانی سمجھ سکتی ہوں۔ کمسن بچوں کے لیے فری انسولین پروگرام ماں کے دل کی آواز پر شروع کیا گیا۔ صحت مند پنجاب ویژن کے تحت دوا یا انسولین خریدنے کی سکت نہ رکھنے والے بچوں تک حکومت خود پہنچے گی۔
یہ بھی پڑھیں: تیسری اقوامِ متحدہ امن مشن وزارتی تیاری کانفرنس اسلام آباد میں ہو گی ، اعلیٰ حکومتی ،عسکری عہدیداران اور اقوامِ متحدہ کےسینیئر حکام شرکت کریں گے.
انسولین کارڈ پروگرام کی تفصیلات
وزیراعلیٰ مریم نواز کو انسولین کارڈ پروگرام کے بارے میں بریفنگ میں بتایا گیا کہ فری انسولین پروگرام کے تحت پہلے مرحلے میں 1500 بچوں کو گھر کی دہلیز پر انسولین فراہم کی جائے گی۔ پاکستان پوسٹ کے رائیڈر خصوصی ایپ پر انسولین کارڈ سکین کرکے تصدیق کریں گے۔ سی ایم انسولین کارڈ کی سکیننگ کے بعد مریض کو انسولین ملے گی۔
مستقبل کے اقدامات
بریفنگ میں مزید بتایا گیا کہ پاکستان پوسٹ کے رائیڈر کولڈ چین سسٹم کے تحت گھر گھر جا کر ٹائپ ون ذیابیطس بچوں کے لئے تین ماہ کے لیے درکار انسولین مہیا کریں گے۔ صرف سہ ماہی چیک اپ کے لیے ہی ہسپتال جانا پڑے گا۔ ٹائپ ون ذیابیطس میں مبتلا بچے این سی ڈی کلینک، مریم نواز ہیلتھ کلینک یا ہیلتھ لائن ایپ 1033 پر رجسٹریشن کراسکتے ہیں۔
