پی ایس ایل 10 کی فاتح اور رنر اپ ٹیم کو کتنی انعامی رقم ملی؟ جانئے
پی ایس ایل 10 فائنل کا خلاصہ
لاہور (ویب ڈیسک) پاکستان سپر لیگ پی ایس ایل 10 کے فائنل میں لاہور قلندرز نے کوئٹہ گلیڈی ایٹرز کو شکست دے کر تیسری بار ٹائٹل اپنے نام کیا اور ساتھ ہی فائنل جیت کر کروڑوں روپے کی انعامی رقم بھی حاصل کرلی۔
یہ بھی پڑھیں: امارات دونوں ممالک کے درمیان تعمیری تعاون کو مزید فروغ دینے کا خواہاں ہے، محمد بن زاید النہیان
فائنل میچ کی تفصیلات
نجی ٹی وی آج نیوز کے مطابق، کوئٹہ گلیڈی ایٹرز نے لاہور کے قذافی سٹیڈیم میں کھیلے گئے فائنل میں ٹاس جیت کر بیٹنگ کا فیصلہ کیا۔ کوئٹہ گلیڈی ایٹرز نے پہلے کھیلتے ہوئے مقررہ 20 اوورز میں 9 وکٹوں کے نقصان پر 201 رنز بنائے اور لاہور قلندرز کو جیت کے لیے 202 رنز کا ہدف دیا۔ لاہور قلندرز نے 19 ویں اوور کی پانچویں گیند پر 4 وکٹوں کے نقصان پر ہدف حاصل کرلیا اور تیسری بار ٹائٹل جیتنے میں کامیاب ہوگئی۔
یہ بھی پڑھیں: ایران کے خلاف جنگ: اسرائیلی وزیراعظم عوام کا اعتماد کھونے لگے، مقبولیت میں تیزی سے کمی
کامیاب کھلاڑی
لاہور قلندرز کے کشال پریرا نے ناقابل شکست 62 رنز کے ساتھ ٹیم کی جیت میں اہم کردار ادا کیا اور مین آف دی میچ قرار پائے، جبکہ سکندر رضا 7 گیندوں پر 22 انتہائی اہم رنز کے ساتھ ناٹ آؤٹ رہے۔
یہ بھی پڑھیں: لاہور میں گھر سے میاں بیوی کی لاشیں برآمد
انعامی رقم
ٹائٹل جیتنے کے ساتھ ہی لاہور قلندرز نے ایچ بی ایل پی ایس ایل 10 کی انعامی رقم 5 لاکھ امریکی ڈالر (تقریباً 14 کروڑ روپے سے زائد) بھی حاصل کرلی، جبکہ رنز اپ ٹیم کوئٹہ گلیڈی ایٹرز کے حصے میں 2 لاکھ امریکی ڈالر (5 کروڑ 60 لاکھ روپے سے زائد) آئے۔
یہ بھی پڑھیں: سعودیہ میں یوم پاکستان کی مرکزی تقریب پاکستان قونصلیٹ کی نئی عمارت میں منعقد کی گئی
وزیر اعظم کی تعریف
وزیر اعظم نے پی ایس ایل کے 10ویں ایڈیشن کے فائنل میچ میں شاندار کھیل پیش کرنے پر کوئٹہ گلیڈی ایٹرز اور لاہور قلندر کو سراہا۔ انہوں نے کہا کہ لاہور قلندرز نے ایک سنسنی خیز مقابلے کے بعد ہدف کامیابی کے ساتھ حاصل کیا، پی ایس ایل 10 میں شامل تمام ٹیموں نے بہترین کھیل کا مظاہرہ کیا۔
یہ بھی پڑھیں: دفاعی تجزیہ کاروں کی ٹی وی پروگرامز میں شرکت کیلئے آئی ایس پی آر سے اجازت کا نوٹی فکیشن معطل
پہلی بار
وزیراعظم نے پاکستان سپر لیگ کے دسویں ایڈیشن کے کامیاب انعقاد پر چیئرمین پی سی بی محسن نقوی اور پی سی بی کی انتظامیہ کو بھی مبارکباد دی۔
غیر ملکی کھلاڑیوں کی اہمیت
وزیر اعظم نے تمام کھلاڑیوں بالخصوص غیر ملکی کھلاڑیوں کو خراج تحسین پیش کیا جن کی شرکت سے اس کامیاب ایونٹ کا انعقاد ممکن ہوا۔
