اینکر عائشہ جہانزیب سے متعلق یوٹیوب چینل پر نازیبا الفاظ، ملزم حسیب سجاد خان کی عبوری ضمانت خارج
لاہور کی سیشن کورٹ کا فیصلہ
لاہور(ڈیلی پاکستان آن لائن) سیشن کورٹ لاہور نے معروف اینکر عائشہ جہانزیب کے خلاف یوٹیوب پر نازیبا الفاظ استعمال کرنے کے مقدمے میں ملزم حسیب سجاد خان کی عبوری ضمانت خارج کر دی۔
یہ بھی پڑھیں: آذربائیجان کی یوم آزادی پر ترکیہ، پاکستان کے رہنماو¿ں کی شرکت دوستی کی عکاس ہے: الہام علیوف
کیس کی سماعت
ایڈیشنل سیشن جج محمد سلیمان گھمن نے کیس کی سماعت کی اور ملزم کی درخواست ضمانت کو مسترد کرتے ہوئے ایف آئی اے کو قانونی کارروائی جاری رکھنے کی ہدایت دی۔ مقدمہ ایف آئی اے کی جانب سے درج کیا گیا تھا جس میں مؤقف اپنایا گیا کہ ملزم نے یوٹیوب چینل پر عائشہ جہانزیب کے خلاف توہین آمیز اور نامناسب زبان استعمال کی۔
یہ بھی پڑھیں: انسداد عصمت دری ایکٹ 2021 سے دفعہ 354 ہٹا دی گئی
مدعیہ کی نمائندگی
مدعیہ عائشہ جہانزیب کی جانب سے مقدمے کی پیروی ایڈووکیٹ زین علی قریشی نے کی جنہوں نے عدالت کو آگاہ کیا کہ یہ عمل نہ صرف ان کی موکلہ کی ساکھ کے خلاف ہے بلکہ سائبر قوانین کی کھلی خلاف ورزی بھی ہے۔
عدالت کا فیصلہ
عدالت نے دلائل سننے کے بعد ملزم کی عبوری ضمانت منسوخ کر دی جس کے بعد ایف آئی اے نے مزید کارروائی کا آغاز کر دیا۔
