اینکر عائشہ جہانزیب سے متعلق یوٹیوب چینل پر نازیبا الفاظ، ملزم حسیب سجاد خان کی عبوری ضمانت خارج

لاہور کی سیشن کورٹ کا فیصلہ

لاہور(ڈیلی پاکستان آن لائن) سیشن کورٹ لاہور نے معروف اینکر عائشہ جہانزیب کے خلاف یوٹیوب پر نازیبا الفاظ استعمال کرنے کے مقدمے میں ملزم حسیب سجاد خان کی عبوری ضمانت خارج کر دی۔

یہ بھی پڑھیں: صدر مملکت آصف علی زرداری کا چین میں کاشغر کی تاریخی عیدگاہ مسجد کا دورہ

کیس کی سماعت

ایڈیشنل سیشن جج محمد سلیمان گھمن نے کیس کی سماعت کی اور ملزم کی درخواست ضمانت کو مسترد کرتے ہوئے ایف آئی اے کو قانونی کارروائی جاری رکھنے کی ہدایت دی۔ مقدمہ ایف آئی اے کی جانب سے درج کیا گیا تھا جس میں مؤقف اپنایا گیا کہ ملزم نے یوٹیوب چینل پر عائشہ جہانزیب کے خلاف توہین آمیز اور نامناسب زبان استعمال کی۔

یہ بھی پڑھیں: اسٹیٹ بینک نے پاکستان میں موجود سونے کے ذخائر کی تفصیلات جاری کر دیں

مدعیہ کی نمائندگی

مدعیہ عائشہ جہانزیب کی جانب سے مقدمے کی پیروی ایڈووکیٹ زین علی قریشی نے کی جنہوں نے عدالت کو آگاہ کیا کہ یہ عمل نہ صرف ان کی موکلہ کی ساکھ کے خلاف ہے بلکہ سائبر قوانین کی کھلی خلاف ورزی بھی ہے۔