شاہین، رضوان اور بابر کے نہ ہونے سے کوئی پریشر نہیں ہو گا، سلمان آغا

کپتان سلمان آغا کا بیان

لاہور(ڈیلی پاکستان آن لائن)پاکستان ٹیم کے کپتان سلمان آغا نے کہا ہے کہ ڈی آر ایس سے کافی مدد ملتی ہے، اس کے نہ ہونے سے مشکل ہوگی۔ اب ہمیں امپائرز پر اعتماد کرنا ہے۔ وسیم جونیئر کی انجری کو فزیو دیکھ رہے ہیں، فیصلہ آج یا کل ہوجائے گا۔

یہ بھی پڑھیں: بی بی کی شہادت کی خبر جنگل میں آ گ کی طرح پھیل گئی، ہماری سیاسی تاریخ ایسے ایسے داغ ماتھے پر سجائے ہے جس کی نظیر کسی اور ملک کی تاریخ سنانے سے قاصر ہے۔

بنگلہ دیش کیخلاف تیاری

بنگلہ دیش کیخلاف ٹی ٹوینٹی سیریز سے قبل پریس کانفرنس سے خطاب کرتے ہوئے پاکستان کے کپتان سلمان آغا نے کہا کہ انٹرنیشنل کرکٹ میں کوئی سیریز اور ٹیم آسان نہیں ہوتی۔ بنگلہ دیش کی ٹیم اچھی ہے، ہم کوشش کریں گے کہ اچھی کرکٹ کھیلیں۔ سفیان مقیم میرے فیورٹ بولر ہیں، وہ وائٹ بال میں پاکستان کو کافی آگے لے جا سکتے ہیں۔ شاداب خان کی واپسی نہیں ہوئی، وہ پچھلی سیریز میں بھی ٹیم میں تھے۔

یہ بھی پڑھیں: خواجہ آصف نے اختیارات کی نچلی سطح پر منتقلی نہ ہونے پر 18ویں ترمیم کو ڈھکوسلا قرار دے دیا

بنگلہ دیش کے خلاف حکمت عملی

سلمان آغا کا کہنا تھا کہ بنگلہ دیش کے پاس کافی اچھے بولرز اور بیٹرز ہیں۔ کسی ایک کو ٹارگٹ نہیں کر رہے، ہم چاہیں گے کہ بنگلہ دیش کے کپتان لٹن داس کو رنز نہ بنانے دیں۔ شاہین، رضوان اور بابر کے نہ ہونے سے کوئی پریشر نہیں ہوگا۔ پاکستان میں اتنا ٹیلنٹ ہے کہ کوئی بھی کسی بھی وقت کسی کا متبادل ہو سکتا ہے۔

یہ بھی پڑھیں: وزیراعلی خیبرپختونخوا سہیل آفریدی 26 دسمبر بروز جمعہ لاہور کا دورہ کریں گے،اپوزیشن لیڈر معین قریشی نے اسپیکر آفس کو آگاہ کردیا

ٹیم سلیکشن کا عمل

کپتان نے کہا کہ پلیئنگ الیون اور اوپنرز کا کل پتہ چل جائے گا۔ کوشش ہے کہ ورلڈکپ کیلئے 20 سے 25 کھلاڑیوں کا پول تیار کریں۔ ٹیم سلیکشن ہیڈ کوچ اور سلیکشن کمیٹی کیساتھ مل کر بناتے ہیں۔ اپنی کوشش ہے کہ زیادہ سے زیادہ کھلاڑیوں کو موقع دیں۔ نوجوان اور سینئرز کو ملا کر ٹیم بنانے کی کوشش ہے۔

یہ بھی پڑھیں: تاریخی سنگِ میل، پروفیسر ڈاکٹر حسن محی الدین قادری کی شاہکار تصنیف دارالمنہاج سعودی عرب سے شائع ہوگئی

پی ایس ایل اور انٹرنیشنل پرفارمنس

انہوں نے کہا کہ پی ایس ایل کی وجہ سے انٹرنیشنل پرفارمنس کو نظرانداز نہیں کر سکتے۔ نیوزی لینڈ میں جو پلیئنگ الیون مانگی، مجھے ملی۔ ابھی ٹیم میں 3 اوپنرز ہیں، حسن نواز اب اوپنر نہیں مڈل آرڈر بیٹر ہیں۔ بنگلہ دیش کی ٹیم میں کوالٹی پلیئرز ہیں۔

امپائرنگ پر اعتماد

ڈی آر ایس سے کافی مدد ملتی ہے، اس کے نہ ہونے سے مشکل ہوگی۔ اب ہمیں امپائرز پر اعتماد کرنا ہے، امید ہے اچھی امپائرنگ دیکھنے کو ملے گی۔ وسیم جونیئر کی انجری کو فزیو دیکھ رہے ہیں، فیصلہ آج یا کل ہوجائے گا۔