یوم تکبیر سے معرکہ حق تک، سفر لازوال

سراب سائے

محمد عاصم نصیر

آپریشن ’’بنیان مرصوص‘‘ کی تاریخی کامیابی

وزیر اعظم میاں شہبازشریف اور فیلڈ مارشل حافظ سید عاصم منیر کی پُرمغز قیادت میں آپریشن ’’بنیان مرصوص‘‘ کے تحت معرکہ میں ہماری بہادر مسلح افواج کی تاریخی کامیابی کے بعد مئی پاکستان کی عسکری اور سیاسی تاریخ میں امر ہوگیا ہے۔ مئی کا مہینہ پاکستان کے ازلی اور ابدی دشمن کو رہ رہ یاد آئے گا بلکہ سالوں اور صدیوں تک ستاتا رہے گا۔ اس ماہ کی 10 تاریخ کو پاکستان نے عددی اعتبار سے دنیا کی تیسری بڑی زمینی فوج، چوتھی بڑی فضائیہ اور پانچویں بڑی بحریہ رکھنے والے ملک بھارت کو ہاتھ پاؤں باندھ کرمارا بلکہ تاریخی چھترول کی۔

ایٹمی تجربات کی تاریخ

27 سال قبل اسی ماہ میں 28 مئی 1998 کو پاکستان نے بھارت کے 5 جوہری دھماکوں کے جواب میں 6 ایٹمی دھماکے کرکے وطن عزیز کا دفاع ناقابل تسخیر بنا دیا تھا۔ اس دن کو یوم تکبیر کے نام سے موسوم کیا گیا۔ بھارت دراصل 1974ء میں ہی ایٹمی تجربہ کر کے خطّے میں ایٹمی اسلحہ کی دوڑ شروع کر چکا تھا۔ مجبوراً پاکستان کو بھی اپنے دفاع کے لیے اس دوڑ میں شامل ہونا پڑا۔

پاکستان کی ایٹمی طاقت کا حصول

پاکستان کی ایٹمی ٹیکنالوجی میں اہم پیشرفت جولائی 1976 میں ڈاکٹر عبد القدیر خان کی وطن آمد کے بعد ہوئی۔ 1977 میں جنرل ضیاء الحق کی حکومت آنے کے بعد پاکستان نے جرمنی، فرانس اور کینیڈا سے جوہری ٹیکنالوجی خریدنے کے لیے اہم اقدام اٹھائے۔ آئی ایس آئی کے ایجنٹوں نے حساس آلات مختلف ملکوں سے خرید کر پاکستان منتقل کیے۔

آپریشن کی تفصیلات

پاکستان نے جب ایٹمی پروگرام کو مکمل کرنے کی کوشش کی تو جنرل ضیاء الحق کے لیے سب سے بڑا مسئلہ ایلومینیئم پرت کے پائپوں کو خرید کر پاکستان لانا تھا۔ سنگاپور کے راستے ایلومینیئم پرت کے پائپ پاکستان لانے کے لیے آئی ایس آئی نے سخت محنت کی، جو کہ ایک ناممکن مشن لگ رہا تھا۔

ماضی کی لڑائیاں اور موجودہ تناظر

18 مئی 1974ء سے بارہ سال بعد 1986ء میں بھارتی فوج کے ذریعے منصوبہ بند آپریشن بریسٹ اسٹیکس کیا گیا۔ ٹھیک بارہ سال بعد، بھارت نے 11 مئی 1998 کو پوکھران میں ایٹمی دھماکے کئے۔ پاکستان کے پاس قرض اور فرض تھا کہ وہ جواب دے۔ میاں نوازشریف نے ماضی کے تجربات کی بنیاد پر ایٹمی دھماکوں کا فیصلہ کیا اور 28 مئی 1998 کو پاکستان نے 6 ایٹمی دھماکے کر کے دفاع کو ناقابل تسخیر بنا دیا۔

بھارت کی جارحیت اور پاکستان کا جواب

بھارت نے 22 اپریل کو مقبوضہ کشمیر میں دہشت گردی کی کارروائیاں کیں، جس کا جواب پاکستان نے 10 مئی کو آپریشن "بنیان مرصوص" کے تحت دیا۔ پاکستانی مسلح افواج نے بھارت کے متعدد اہداف کو کامیابی سے نشانہ بنایا اور یہ ثابت کیا کہ ہمارا دفاع مضبوط ہے۔

عزم اور کامیابی کی گونج

بھارت آج بھی پاکستان کے ہاتھوں اپنے زخموں کو چاٹ رہا ہے جبکہ وطن عزیز کی فضاؤں میں یوم تکبیر کی صدائیں بلند ہو رہی ہیں۔ اللہ کا شکر ہے کہ پاکستان نے اپنی دفاعی صلاحیتوں کو ثابت کر دیا ہے اور دشمن کے ہر حملے کا منہ توڑ جواب دینے کی صلاحیت رکھتا ہے۔