سعودی حکومت پر تنقید: معروف ایرانی عالم غلام رضا قاسمیان گرفتار

ایرانی عالم کی گرفتاری

ریاض (ڈیلی پاکستان آن لائن) سعودی عرب میں ایرانی عالم غلام رضا قاسمیان کو گرفتار کر لیا گیا۔

یہ بھی پڑھیں: ججز تقرری کیلئے نامزدگی پر ایم کیو ایم میں اختلافات سامنے آگئے

گرفتاری کی وجوہات

غیر ملکی خبر رساں ایجنسی کے مطابق ایرانی عالم کو سعودی حکومت کے خلاف تنقیدی پوسٹ پر گرفتار کیا گیا ہے، جو فریضہ حج کی ادائیگی کیلئے سعودی عرب میں موجود تھے۔

یہ بھی پڑھیں: 20 اپریل تک کہاں کہاں آندھی اور بارش کے امکانات ہیں؟ جانیے

ایرانی وزیر خارجہ کا ردعمل

ایرانی وزیر خارجہ عباس عراقچی نے ایرانی عالم کی گرفتاری پر بیان جاری کرتے ہوئے کہا کہ مسلم اتحاد کو نقصان پہنچانے والی کسی بھی کوشش کی مذمت کرتے ہیں، خصوصاً حج کے مقدس موقع پر ایسی کوشش کی سختی سے مذمت کرتے ہیں۔ انہوں نے مزید کہا کہ برادر ملک سعودی عرب سے بڑھتے تعلقات کو سبوتاژ کرنے کی اجازت نہیں دیں گے۔

یہ بھی پڑھیں: لوگوں کو مسائل کا حل چاہیے، انتشار کی سیاست نہیں ،نوجوانوں کو ای ٹیکسی کا مالک بنائیں گے: شرجیل میمن

سعودی انتظامات کی تعریف

عباس عراقچی نے کہا کہ ایران رواں برس حج کے نہایت مؤثر اور بہترین انتظامات کو سراہتا ہے اور اس مقدس کام کو کامیابی سے جاری رکھنے پر سعودی حکومت اور عوام کو مبارک باد پیش کرتے ہیں۔

ایرانی عدلیہ کی مذمت

دوسری جانب، ایرانی عدلیہ نے عالم کی گرفتاری کی مذمت کرتے ہوئے رہائی کا مطالبہ کیا اور اسے غیر منصفانہ اور غیر قانونی قرار دیا۔ خبر رساں ایجنسی کے مطابق سعودی وزارت اطلاعات نے اس خبر پر فی الحال کوئی تبصرہ نہیں کیا۔