محکمہ تعلیم کے دفتر سے درسی کتابیں چوری کرنے والے 2 افراد گرفتار

راولپنڈی میں درسی کتابیں چوری

راولپنڈی(ڈیلی پاکستان آن لائن)محکمہ تعلیم کے دفتر سے درسی کتابیں چوری کرنے والے 2 افراد کو گرفتار کرلیا گیا۔

یہ بھی پڑھیں: فرنٹیئر کانسٹیبلری کو صدارتی آرڈیننس جاری کرکے وفاقی فورس کا درجہ دے دیا گیا

کتابوں کی برآمدگی

نجی ٹی وی سما نیوز کے مطابق پولیس کاکہنا ہے کہ ملزمان سے لاکھوں روپے مالیت کی 9 ہزار 665 کتابیں برآمدکرلی گئیں۔ یہ کتابیں حکومت پنجاب کی جانب سے طلبا و طالبات کےلئے پرنٹ کروائی گئی تھیں اور مختلف اسکولوں میں پرائمری کے طلبا وطالبات کو مہیا کی جانی تھیں۔

گرفتاری کی تفصیلات

ملزمان کی گرفتاری کیلئے سی پی او راولپنڈی نے خصوصی ٹیم تشکیل دے رکھی تھی۔ ڈی ای او لٹریری نوید الحق کی مدعیت میں تھانہ سٹی میں مقدمہ درج کیا گیا تھا۔ یہ کتابیں چوری کرنے کا واقعہ 2 اور 3 مئی کی درمیانی شب پیش آیا تھا۔