نوازشریف اور بلاول بھٹو سمیت سیاسی شخصیات کی قوم کو یوم تکبیر پر مبارکباد

یوم تکبیر کی مبارکباد

لاہور، کراچی (ڈیلی پاکستان آن لائن) سابق وزیر اعظم نواز شریف، چیئرمین پیپلز پارٹی بلاول بھٹو زرداری سمیت دیگر سیاسی شخصیات نے یوم تکبیر کے موقع پر قوم کو مبارکباد پیش کی ہے۔

یہ بھی پڑھیں: ہمایوں دلاور کیخلاف سوشل میڈیا پر پروپیگنڈا کیس؛ اسسٹنٹ ڈائریکٹر اینٹی کرپشن کے جسمانی ریمانڈ معطلی کی درخواست پر فیصلہ محفوظ

نواز شریف کا پیغام

نجی ٹی وی دنیا نیوز کے مطابق سماجی رابطے کی ویب سائٹ "ایکس" پر مسلم لیگ ن کے صدر اور سابق وزیراعظم میاں نواز شریف نے یوم تکبیر پر قوم کو مبارکباد دی۔ انہوں نے کہا کہ پاکستان کی جانب کوئی میلی آنکھ سے نہیں دیکھ سکتا، آج کے دن اللہ تعالیٰ نے قوم کو بڑی کامیابی عطا کی، اللہ تعالی پاکستان کی حفاظت فرمائے۔

یہ بھی پڑھیں: بیماریوں سے بچاؤ کا سب سے مؤثر ہتھیار احتیاط، آگاہی اور ویکسی نیشن ہے: وزیر اعلیٰ پنجاب

بلاول بھٹو زرداری کا خراج عقیدت

چیئرمین پیپلز پارٹی بلاول بھٹو زرداری نے یوم تکبیر کے موقع پر جوہری پروگرام کی شکل میں ملکی دفاع کو ناقابلِ تسخیر بنانے والے سائنسدانوں، انجینئرز، مسلح افواج اور دور اندیش سیاسی قیادت کو سلام پیش کیا۔

بلاول نے قائدِ عوام شہید ذوالفقار علی بھٹو کو بھی خراجِ عقیدت پیش کرتے ہوئے کہا کہ قائدِ عوام نے عالمی دباو¿ اور مخالفت کے باوجود جوہری پروگرام کی بنیاد رکھی۔ یہ دن ہماری قوم کے غیر متزلزل عزم کی علامت ہے، ہماری یہ عزم ہے کہ ہم اپنی خودمختاری، وقار اور مستقبل کے تحفظ پر کبھی سمجھوتانہیں کریں گے۔

یہ بھی پڑھیں: معروف ناول نگار محمد عاصم بٹ کا نیا ناول ‘پانی پہ لکھی کہانی’ شائع ہو گیا

وزیراعلیٰ بلوچستان کا پیغام

وزیراعلیٰ بلوچستان میر سرفراز بگٹی نے کہا کہ یوم تکبیر ملکی دفاع کو ناقابل تسخیر بنانے والوں کو خراج تحسین پیش کرنے کا دن ہے۔ ان کا کہنا تھا کہ ایٹمی دھماکوں نے دشمن قوتوں کو واضح پیغام دیا۔

یہ بھی پڑھیں: یورپی یونین نے امریکا کے ساتھ صفر پہ صفر ٹیرف معاہدے کے لیے اشارہ دے دیا

مریم اورنگزیب کا بیان

پنجاب کی سینئر صوبائی وزیر مریم اورنگزیب نے کہا کہ الحمدللہ پاکستان کو ایٹمی ملک بنے 27 سال مکمل ہوگئے ہیں۔ انہوں نے قائد نواز شریف کو قوم کی طرف سے سلام پیش کیا۔

یہ بھی پڑھیں: اگر بھارت سے فائنل ہوتا ہے تو یقینی طور پر جیتیں گے، شاہین آفریدی

عظمیٰ بخاری کا پیغام

وزیر اطلاعات پنجاب عظمیٰ بخاری نے کہا کہ 28 مئی کا دن پاکستان کی تاریخ کا یادگار اور سنہری دن ہے۔ انہوں نے نواز شریف کی جرات کو سراہا کہ انہوں نے عالمی دباو¿ اور پابندیوں پر ملکی وقار کو ترجیح دی۔

حمزہ شہباز شریف کا عزم

سابق وزیراعلیٰ پنجاب حمزہ شہباز شریف کا کہنا تھا کہ یوم تکبیر پاکستان کے عالم اسلام کی پہلی ایٹمی قوت کے طورپر ا±بھرنے کا سنہرا دن ہے۔