مودی شکست خوردہ وزیراعظم،صرف دھمکیاں دے سکتا ہے:وفاقی وزیراطلاعات

پاکستان کے ترکیہ اور آذربائیجان کے ساتھ سٹریٹجک تعلقات

باکو (ڈیلی پاکستان آن لائن) وفاقی وزیر اطلاعات عطاءاللہ تارڑ نے کہا ہے کہ ترکیہ اور آذربائیجان کے ساتھ سٹرٹیجک تعلقات ہیں۔ وزیراعظم شہباز شریف کی شروع کردہ ڈپلومیسی پاکستان کے بین الاقوامی تعلقات کو مضبوط کرے گی۔

یہ بھی پڑھیں: پی ٹی آئی رہنما سلمان اکرم راجہ نے حکومت سے مذاکرات کے معاملے پر حیران کن بیان جاری کر دیا

آذربائیجان میں دورہ اور معلومات

ڈان نیوز کے مطابق آذربائیجان کے دورے پر میڈیا سے گفتگو کرتے ہوئے وفاقی وزیر نے کہا کہ ہم اللہ تعالیٰ کا شکر ادا کرتے ہیں جس نے ہمیں معرکہ حق اور آپریشن بنیان مرصوص میں فتح دی۔ یہ پاکستان کی بڑی خوش قسمتی ہے کہ وزیراعظم شہباز شریف اور فیلڈ مارشل سید عاصم منیر اس دورے پر موجود ہیں۔

یہ بھی پڑھیں: 15 سال کی تھی جب ٹرمپ نے زیادتی کی کوشش کی، نئی ایپسٹین فائلز میں امریکی صدر پر خاتون سے زیادتی کا الزام

بھارت کے خلاف پاکستان کی فتح

انہوں نے مزید کہا کہ بھارت کے خلاف پاکستان کی فتح پر ترکیہ اور آذربائیجان کے عوام نے خوشی منائی۔ آج آذربائیجان کا یوم جمہوریہ ہے اور ہمارا یوم تکبیر ہے جس کی وجہ سے یہاں جشن کا سماں ہے۔

یہ بھی پڑھیں: آن لائن گیم کھیلتے ہوئے ماں، 2 بہنوں اور بھائی کو قتل کرنے والے مجرم کو سزا کا تفصیلی فیصلہ جاری

وزیراعظم کی ڈپلومیسی کی اہمیت

وفاقی وزیر نے کہا کہ وزیراعظم پاکستان کی طرف سے شروع کردہ ڈپلومیسی سے بین الاقوامی تعلقات مزید مضبوط ہوں گے، بالخصوص معرکہ حق میں فتح کے بعد ان دوروں کی اہمیت بڑھ گئی ہے۔

یہ بھی پڑھیں: پاکستان اور قطر کے برادرانہ تعلقات باہمی احترام اور اعتماد پر قائم ہیں: گورنر سندھ

ہندوستانی وزیراعظم کی ناکامی

عطاء تارڑ نے بیان دیا کہ پاکستان کی فتح کے حوالے سے بات چیت عالمی سطح پر جاری رہے گی اور قیام امن میں پاکستان کا کردار تسلیم کیا جائے گا۔ انہوں نے کہا کہ ہندوستان کا وزیراعظم اپنے ہزیمت مٹانے کیلئے مختلف بیانات دے رہا ہے، جو کہ ایک ناکام سیاست دان کی نشانی ہے۔

آذربائیجان کے صدر کے ساتھ ملاقات کی امید

انہوں نے یہ بھی کہا کہ جلد وفود کی سطح پر ملاقات ہوگی جس میں معاملات کو حتمی شکل دی جائے گی۔ آذربائیجان کے صدر اس بارے میں پرجوش ہیں اور چاہتے ہیں کہ دونوں ممالک کے تعلقات کو ایک اور سطح پر لے جایا جائے۔