مودی شکست خوردہ وزیراعظم، صرف دھمکیاں دے سکتا ہے: وفاقی وزیراطلاعات

ترکیہ اور آذربائیجان کے ساتھ تعلقات

وفاقی وزیر اطلاعات عطاءاللہ تارڑ نے کہا ہے کہ ترکیہ اور آذربائیجان کے ساتھ سٹرٹیجک تعلقات ہیں۔ وزیراعظم شہباز شریف کی شروع کی گئی ڈپلومیسی سے پاکستان کے بین الاقوامی تعلقات مضبوط ہوں گے۔

یہ بھی پڑھیں: سونے کی فی تولہ قیمت 2100 روپے کا اضافہ

آذربائیجان کے دورے پر گفتگو

ڈان نیوز کے مطابق آذربائیجان کے دورے پر میڈیا سے گفتگو کرتے ہوئے وفاقی وزیر نے کہا کہ ہم اللہ تعالیٰ کا شکر ادا کرتے ہیں جس نے ہمیں معرکہ حق اور آپریشن بنیان مرصوص میں فتح دی۔ یہ پاکستان کی بڑی خوش قسمتی ہے کہ وزیراعظم شہباز شریف اور فیلڈ مارشل سید عاصم منیر اس وقت ہمارے ساتھ اس دورے پر موجود ہیں۔

یہ بھی پڑھیں: موسم کی خرابی، پشاور کا فلائٹ آپریشن متاثر، 42 پروازیں تاخیر کا شکار

بھارت کے خلاف پاکستان کی فتح

انہوں نے کہا کہ بھارت کے خلاف پاکستان کی فتح پر ترکیہ اور آذربائیجان کے عوام نے بڑی خوشیاں منائیں۔ آج آذربائیجان کا یوم جمہوریہ ہے اور ہمارا یوم تکبیر ہے، یہاں پر ایک جشن کا سماں ہے۔

یہ بھی پڑھیں: پیپلز پارٹی کا عمران خان کے بیٹوں کی متوقع آمد پر سیاست نہ کرنے کا فیصلہ، سینئر صحافی کا دعویٰ

ڈپلومیسی کی اہمیت

وفاقی وزیر نے کہا کہ وزیراعظم کی طرف سے شروع کی گئی ڈپلومیسی پاکستان کے بین الاقوامی تعلقات کو مزید مضبوط کرے گی۔ معرکہ حق میں فتح کے بعد ان دوروں کی اہمیت میں مزید اضافہ ہوا ہے۔

یہ بھی پڑھیں: مصر میں کچے نو ڈلز کھانے سے 13سالہ حافظ قرآن بچہ انتقال کر گیا

مشرقی ہمسایہ کے بیانات

انہوں نے مزید کہا کہ ہمارے مشرقی ہمسایہ کا ہزیمت مٹانے کے لئے طرح طرح کے بیانات دے رہا ہے۔ مودی ایک شکست خوردہ وزیراعظم ہے اور صرف دھمکیاں دے سکتا ہے۔

یہ بھی پڑھیں: پی ٹی آئی نے ایران اور امریکہ کو مذاکرات کی میز پر لانے کے لیے پاکستان کے سفارتی کردار کو سراہتے ہوئے اسے علاقائی امن کے لیے خوش آئند قرار دے دیا

پاکستان کا مقدمہ

عطا تارڑ نے کہا کہ وزیراعظم اور فیلڈ مارشل سید عاصم منیر بیرونی دوروں پر ہیں، اور پاکستان کا مقدمہ دنیا بھر میں مانا جا رہا ہے۔ دوسری طرف، ہمارا مشرقی ہمسایہ بوکھلاہٹ کا شکار ہے۔

یہ بھی پڑھیں: بیوروکریسی میں تقرر و تبادلے

قیام امن میں کردار

پاکستان کی فتح کے حوالے سے بات چیت دنیا بھر میں جاری رہے گی، اور قیام امن میں پاکستان کے کردار کو تسلیم کیا جائے گا۔ یہ ایک فخر کا مقام ہے کہ پاکستان کی تجارت اور مختلف شعبوں میں تعاون میں اضافہ ہو رہا ہے۔

ملاقات کی پیشرفت

وفود کی سطح پر جلد ایک ملاقات کا فیصلہ ہوا ہے جس میں مزید پیشرفت ہوگی، اور آذربائیجان کے صدر نے پاکستان اور آذربائیجان کے تعلقات کو ایک اور سطح پر لے جانے کے لئے جوش و خروش کا اظہار کیا ہے۔