مودی کی تھانیداری ختم، 28 مئی کی خوشی 10 مئی کی وجہ سے ڈبل ہو گئی: امیر مقام

وفاقی وزیرِ امورِ کشمیر کا خطبہ

میر پور (ڈیلی پاکستان آن لائن) وفاقی وزیرِ امورِ کشمیر امیر مقام نے کہا ہے کہ نریندر مودی کی فرعونیت اور تھانیداری ختم ہو چکی۔ اس بار 28 مئی کی خوشی 10 مئی کی وجہ سے ڈبل ہو گئی۔

یہ بھی پڑھیں: بھارت کی آبی دہشت گردی، دریائے چناب اور جہلم کا پانی روک لیا

یومِ تکبیر اور اظہارِ تشکر

میر پور، آزاد کشمیر کے علاقے کھڑی شریف میں یومِ تکبیر اور اظہارِ تشکر معرکۂ حق جلسے سے خطاب کرتے ہوئے امیر مقام نے کہا کہ 28 مئی 1998ء نے پاکستان کو ہمیشہ کے لیے محفوظ بنا دیا۔ پاکستان کو ایٹمی طاقت بنانے والے تمام کرداروں کو سلام پیش کرتا ہوں۔ بھارتی افواج پاکستان کے سامنے 2 گھنٹے بھی نہیں ٹھہر سکیں، اور پاکستان کی ایئر فورس کا کارنامہ تاریخ میں زندہ رہے گا۔

یہ بھی پڑھیں: گوجرانوالہ کے 165 مستحق جوڑوں کی شادی، ’’دھی رانی پروگرام‘‘ نے معاشرتی ناہمواریوں کا خاتمہ کیا : صوبائی وزیر سہیل شوکت بٹ

نریندر مودی کو جواب

’’جنگ‘‘ کے مطابق وفاقی وزیرِ امورِ کشمیر امیر مقام نے کہا کہ فیلڈ مارشل سید عاصم منیر کی بہادری کی دنیا معترف ہو چکی ہے۔ نریندر مودی کو اپنے جنون کا جواب مل گیا ہے۔ ہم جلد ہی شہبازشریف کی قیادت میں آئی ایم ایف کا کشکول توڑ دیں گے۔

یہ بھی پڑھیں: تہران میں سابق امریکی سفارتخانے کی عمارت بھی حملوں کی زد میں آ گئی

اوورسیز پاکستانیوں کے لیے اہمیت

اُنہوں نے کہا کہ اوورسیز پاکستانیوں کے لیے میر پور میں ایئر پورٹ بننا ضروری ہے۔ بیرونِ ملک موجود کشمیری نہ تو پاکستان کو اور نہ ہی کشمیر کو بھولے ہیں۔