امریکہ کا چینی طلباء کے ویزے منسوخ کرنے کا اعلان
امریکا کی جانب سے چینی طلبا کے ویزوں کی منسوخی
واشنگٹن (ڈیلی پاکستان آن لائن) امریکا نے چینی طلبا کے ویزے منسوخ کرنے کا اعلان کر دیا ہے۔
یہ بھی پڑھیں: قوم کے عظیم سپوت کیپٹن کرنل شیر خان شہید کی برسی آج
وزیر خارجہ کا اعلان
امریکی وزیر خارجہ مارکو روبیو کا کہنا ہے کہ امریکا چینی طلبا کے ویزے منسوخ کرے گا، خاص طور پر چینی کمیونسٹ پارٹی سے وابستہ طلبا کے ویزے منسوخ کیے جائیں گے۔
یہ بھی پڑھیں: 4 Individuals Drown During Seaside Picnic
تعلیمی شعبوں پر اثرات
مارکو روبیو نے واضح کرتے ہوئے کہا کہ اہم شعبوں میں تعلیم حاصل کرنے والے چینی طلبا کے بھی ویزے منسوخ کیے جائیں گے۔ امریکی محکمہ خارجہ کا کہنا ہے کہ چینی طلبا کے لیے ویزے کے معیار میں بھی ترمیم کریں گے، اور آئندہ چین اور ہانگ کانگ سے آنے والی ویزا درخواستوں کی کڑی جانچ ہوگی۔
یہ بھی پڑھیں: پاکستان میں منشیات فروشوں کے رابطے کس ملک کے سمگلروں سے ہیں؟ تہلکہ خیز انکشافات
سوشل میڈیا کی جانچ
خیال رہے کہ گزشتہ روز امریکی صدر ڈونلڈ ٹرمپ کی انتظامیہ نے تمام سفارت خانوں کو حکم دیا تھا کہ وہ طلبہ کے ویزوں کے لیے اپائنٹمنٹ کا شیڈول بند کردیں۔ اس کا مقصد درخواست دہندگان کی سوشل میڈیا پروفائلز کی جانچ کی مزید وسعت دینا ہے۔
رپورٹ کے مطابق، غیر ملکی طلباء کو سوشل میڈیا کی جانچ پڑتال کے عمل سے گزارا جائے گا، تاہم جو ویزا اپائنٹمنٹس پہلے سے طے شدہ ہیں وہ معمول کے مطابق ہوں گے۔
امریکی کمپنیوں پر پابندیاں
دوسری جانب، ٹرمپ انتظامیہ نے امریکی کمپنیوں کو چین کو مصنوعات فروخت کرنے سے روک دیا ہے۔
