کیڈٹ کالج گڈاپ میں طالب علم کی موت کے اسباب جاننے کیلئے انکوائری بورڈ تشکیل

کیڈٹ کالج گڈاپ میں طالب علم کی ہلاکت

کراچی (ڈیلی پاکستان آن لائن) کیڈٹ کالج گڈاپ میں طالب علم کی موت کے اسباب جاننے کے لئے انکوائری بورڈ تشکیل دے دیا گیا۔

یہ بھی پڑھیں: اسرائیلی حکام اور برطانوی میڈیا کا ایرانی سپریم لیڈر آیت اللہ علی خامنہ ای کی میت ملنے کا دعویٰ، ایران کی تردید

انکوائری بورڈ کی تشکیل

نجی ٹی وی جیو نیوز نے کیڈٹ کالج گڈاپ انتظامیہ کے اعلامیے کے حوالے سے بتایا کہ طالب علم سالار کی ہلاکت سے متعلق 3 رکنی بورڈ تشکیل دیا گیا ہے۔

یہ بھی پڑھیں: گھریلو جھگڑا خونریزی میں تبدیل؛ بھائی کے ہاتھوں بھائی، بھابی اور بھتیجا قتل

رپورٹ کی تقسیم

اعلامیے کے مطابق 3 رکنی انکوائری بورڈ کی تحقیقاتی رپورٹ سے سالار کے والدین کو بھی آگاہ کیا جائے گا۔

اہلخانہ کا موقف

اس سے قبل جاں بحق طالب علم سالار کے اہلخانہ نے موت کا ذمہ دار کالج انتظامیہ کو قرار دیا تھا۔ اہلخانہ کا کہنا تھا کہ ہسپتال کی ہدایت کے باوجود سالار کو آئی سی یو منتقل کیوں نہیں کیا گیا؟