10 مئی کے بعد اب بیرون ملک گرین پاسپورٹ کی تعریف کی جاتی ہے: شرجیل میمن

شرجیل میمن کا بیان

کراچی (ڈیلی پاکستان آن لائن )سندھ کے سینئر وزیر برائے اطلاعات و ٹرانسپورٹ شرجیل میمن نے کہا ہے کہ بھارت کو ہماری فورسز نے جیسے دھویا ایسا تاریخی دن وہ بھول نہیں سکتا، پاکستان جنگ نہیں چاہتا، امن کا خواہشمند ہے۔

یہ بھی پڑھیں: عمران خان کی رہائی کے لیے فوری بنیاد پر وکالت کی جائے، امریکی ارکان کانگریس کا بائیڈن کو خط

بھارتی طیاروں کا گرنا

روز نامہ جنگ کے مطابق انھوں نے اپنے ایک بیان میں کہا کہ اس رات بھارت کے طیارے گرنے کی یکے بعد دیگرے خبریں آتی رہیں، جس طرح بھارت کی دھلائی ہو رہی تھی مزا آگیا تھا، اتنی خوشی کسی تہوار نے نہیں دی جتنی خوشی 10 مئی کو ہوئی۔

یہ بھی پڑھیں: دعا ہے کہ باصلاحیت مخلص، قائد و اقبال کا وژن رکھنے والی قیادت میسر آئے جو گلے سڑے سیاسی، تعلیمی نظاموں اور اداروں کی اصلاح کر سکے.

پاکستانی پاسپورٹ کی عزت

شرجیل انعام میمن نے کہا کہ اب باہر لوگ جب گرین پاسپورٹ دیکھتے ہیں تو تعریف کرتے ہیں، اب پاکستانی پاسپورٹ کے ساتھ پوری دنیا گھومنے کا مزا آئے گا، پاک فضائیہ، نیوی، آرمی، تمام سیاسی جماعتوں اور قوم نے متحد ہوکر جنگ لڑی۔

یہ بھی پڑھیں: کوئٹہ دھماکا: وزیراعظم شہبازشریف، وزیرداخلہ اوربلاول بھٹو کی شدید مذمت

قوم کا اتحاد

انھوں نے کہاکہ دس مئی کو ہمارا اتحاد سامنے آیا، پاکستان کے نوجوانوں نے سوشل میڈیا پر یہ جنگ لڑی، 25 کروڑ عوام نے یہ لڑائی لڑی، پوری قوم مبارک باد کی مستحق ہے۔