خیبر پختونخوا میں شہید ہونے والے لیفٹیننٹ دانیال اسماعیل اور 4 جوانوں کے بارے میں اضافی معلومات سامنے آگئیں

مقابلے میں شہید ہونے والے جوانوں کا تعارف

راولپنڈی (ڈیلی پاکستان آن لائن) خیبر پختونخوا میں بھارتی حمایت یافتہ ’’فتنہ الخوارج‘‘ کے دہشتگردوں سے مقابلے میں شہید ہونے والے لیفٹیننٹ دانیال اسماعیل اور 4 جوانوں کے بارے میں اضافی معلومات سامنے آ گئی ہیں۔

یہ بھی پڑھیں: حکومت نے 6 ماہ میں اہداف حاصل نہ کرنے والے اداروں کو الٹی میٹم دیدیا

لیفٹیننٹ دانیال اسماعیل کی معلومات

لیفٹیننٹ دانیال اسماعیل کا تعلق ضلع مردان سے ہے، ان کی عمر 23 سال ہے اور انہوں نے 7 ماہ قبل پاک فوج میں شمولیت اختیار کی۔ ان کے والد پاکستان ائیر فورس میں سول ڈرائیور ہیں، جبکہ ان کے سوگواران میں والد اور بھائی شامل ہیں۔

یہ بھی پڑھیں: ترکیہ، دفاعی تنصیبات پر حملہ، ہلاکتوں کی اطلاعات

نائب صوبیدار کاشف رضا کی معلومات

41 سالہ نائب صوبیدار کاشف رضا شہید کا تعلق ضلع چکوال سے ہے، انہوں نے 21 سال تک دفاع وطن کا مقدس فریضہ سرانجام دیا۔ نائب صوبیدار کاشف رضا کے سوگواران میں اہلیہ، 1 بیٹی اور 2 بیٹے شامل ہیں۔

یہ بھی پڑھیں: چلی کے جنوبی ترین علاقے میں 7.5 شدت کے زلزلے کے بعد سونامی کی وارننگ جاری

لانس نائیک فیاقت علی کی معلومات

35 سالہ لانس نائیک فیاقت علی شہید کا تعلق ضلع ہری پور سے ہے۔ انہوں نے 15 سال پاک فوج میں خدمات سرانجام دیں، اور ان کے سوگواران میں اہلیہ، 1 بیٹی اور 3 بیٹے شامل ہیں۔